चंदगड, कुडाळमधील काजू प्रक्रिया उद्योगासाठी व्यवहार्यता तपासणीची जयकुमार रावल सूचना

पुणे : ‘राज्यातील चंदगड आणि कुडाळ येथे काजू प्रक्रिया उद्योग उभारण्याच्या संदर्भात व्यवहार्यता तपासण्यात यावी. तसेच, पाचशे टन क्षमतेचे गोदाम उभारण्यासंदर्भात नियोजन करावे,’ अशी सूचना राज्याचे पणनमंत्री जयकुमार रावल यांनी येथे दिली. महाराष्ट्र राज्य काजू मंडळाची आढावा बैठक मंत्री जयकुमार रावल यांच्या अध्यक्षतेखाली झाली. त्या वेळी त्यांनी ही सूचना केली. महाराष्ट्र मार्केटिंग फेडरेशनचे कार्यकारी संचालक श्रीधर डुबे पाटील, महाराष्ट्र राज्य पणन मंडळाचे कार्यकारी संचालक संजय कदम, सरव्यवस्थापक विनायक कोकरे, पणन विभागाचे सहसचिव विजय लहाने तसेच काजू मंडळाचे सदस्य या बैठकीला उपस्थित होते.