पुणे : गुंड शरद मोहोळ खून प्रकरणाचा मुख्य सूत्रधार विठ्ठल शेलारसह साथीदार रामदास मारणे याची न्यायालयीन कोठडीत रवानगी करण्याचे आदेश दिले. शेलार आणि रामदास मारणेच्या पोलीस कोठडीची मुदत बुधवारी संपली. दोघांना न्यायालयात हजर करण्यात आले. फरार असलेला दुसरा मुख्य सूत्रधार गणेश मारणे याचा शोध घ्यायचा आहे. गणेश मारणेने न्यायालयात अटकपूर्व जामीन मिळवण्यासाठी अर्ज केला आहे.

शेलार आणि गणेश मारणे मुख्य सूत्रधार आहेत. शेलार आणि मारणे यांनी मोहोळचा खून होण्यापूर्वी एक महिना आधी बैठक घेतली होती. गणेश मारणे सापडल्यानंतर अनेक बाबी समोर येतील. तपासासाठी शेलार आणि रामदास मारणे यांना चार दिवस पोलीस कोठडी द्यावी, अशी विनंती तपास अधिकारी सहायक पोलीस आयुक्त सुनील तांबे यांनी केली.

D Y Chandrachud News in Marathi
‘न्यायव्यवस्था कमकुवत करण्याचा प्रयत्न’; २१ निवृत्त न्यायाधीशांनी डीवाय चंद्रचूड यांना पत्र लिहित व्यक्त केली चिंता
Calcutta High Court
संदेशखाली प्रकरणाची सीबीआय चौकशी होणार; कोलकाता उच्च न्यायालयाने दिले आदेश
Abhishek Ghosalkar murder case
अभिषेक घोसाळकर हत्या प्रकरणाचा तपास सीबीआय किंवा एसआयटीकडे द्या, तेजस्वी घोसाळकरांची उच्च न्यायालयात मागणी
Calcutta High Court
संदेशखालीतील प्रकरण अत्यंत लाजिरवाणे; कलकत्ता उच्च न्यायालयाचे ताशेरे

आरोपींच्या वतीने ॲड. डी. एस. भोईटे आणि लोक अभिरक्षक कार्यालयाच्या ॲड. रोहिणी लांघे यांनी बाजू मांडली. पोलिसांच्या तपासात नवीन काहीच मुद्दे नाहीत. मुख्य सूत्रधाराचा शोध घेण्यासाठी पोलीस कोठडी मागितली जाते. तपासात प्रगती झालेली दिसत नाही, असा युक्तिवाद ॲड. भोईटे यांनी केला. सरकारी वकील ॲड. नीलिमा इथापे-यादव यांनी युक्तिवाद केला.

हेही वाचा : गुंड गजानन मारणे पार्थ पवारांच्या भेटीला, राजकीय वर्तुळात खळबळ

तपास प्रगतिपथावर आहे. आरोपींनी मोहोळचा खून करण्यापूर्वी गोळीबाराचा सराव कोठे केला, ही जागा शोधली आहे. पोलिसांनी वाहने जप्त केली आहेत, असे ॲड. इथापे-यादव यांनी युक्तिवादात सांगितले. दोन्ही बाजूंच्या युक्तिवादानंतर न्यायालयाने शेलार आणि रामदास मारणे यांना एक फेब्रुवारीपर्यंत न्यायालयीन कोठडी सुनावली.