हडपसर भागात वाहनाच्या धडकेने ज्येष्ठ नागरिकाचा मृत्यू

पुणे: भरधाव वाहनाने पादचारी ज्येष्ठ नागरिकाचा मृत्यू झाल्याची घटना हडपसर भागातील मुंढवा-मांजरी रस्त्यावर घडली. अंगद किसन गायकवाड (वय ६१, रा. माळवाडी, मांजरी बुद्रुक) असे मृत्युमुखी पडलेल्या ज्येष्ठ नागरिकाचे नाव आहे.

गायकवाड सकाळी मुंढवा-मांजरी रस्त्याने निघाले होते. त्या वेळी भरधाव वाहनाने त्यांना धडक दिली. अपघातानंतर वाहनचालक पसार झाला. गंभीर जखमी झालेल्या गायकवाड यांचा उपचारांदरम्यान मृत्यू झाला. सहायक पोलीस निरीक्षक नानासाहेब जाधव तपास करत आहेत.