पुणे : मोटारीच्या धडकेने एकाचा मृत्यू झाल्याची घटना वारजे भागात घडली. या प्रकरणी मोटारचालकास अटक करण्यात आली असून त्याने मद्यप्राशन केल्याचे वैद्यकीय तपासणीत उघडकीस आले आहे.

संतोष सदाशिव जांभळे (वय ५१, रा. सखाराम चाळ, आकुर्डी) असे मृत्युमुखी पडलेल्याचे नाव आहे. या प्रकरणी मोटाराचालक आकाश दत्तात्रय धुमाळ (वय ३०, रा. वारजे माळवाडी) याला अटक करण्यात आली आहे. प्रकाश भुवड (वय ३२, रा. जयभवानीनगर, कोथरुड) यांनी याबाबत वारजे पोलीस ठाण्यात फिर्याद दिली आहे. जांभळे बाहेरगावी केले होते. पहाटे तीनच्या सुमारास वारजे भागातील विनायक हॉस्पिटलसमोर ते वाहनातून सामान उतरवत होते. त्या वेळी भरधाव मोटारीने रस्त्यात थांबलेल्या जांभळे यांना धडक दिली. अपघातात गंभीर जखमी झालेल्या जांभळे यांना तातडीने रुग्णालयात दाखल करण्यात आले. उपचारांपूर्वीच त्यांचा मृत्यू झाला. मोटारचालक धुमाळला पोलिसांनी ताब्यात घेतले. धुमाळने मद्यप्राशन केल्याचे वैद्यकीय चाचणीत निष्पन्न झाले असून पोलीस उपनिरीक्षक वाय. बी. पडवळे तपास करत आहेत.

Potholes and large holes in pavement slabs before paverblocks are installed
पेव्हरब्लॉक बसवण्यापूर्वीच खड्डे, पदपथाच्या स्लॅबला मोठी छिद्रे; कोपरखैरणे सेक्टर १५-१६ मधील प्रकार
Emphasis on use of processed water decision of Navi Mumbai Municipal Corporation
प्रक्रियायुक्त पाणी वापरावर भर, नवी मुंबई महापालिकेचा निर्णय
maharashtra s health department marathi news, health department maharashtra government
बालमृत्यू दर कमी करण्यात आरोग्य विभागाला यश!
security guard died after bricks fell
मुंबई : डोक्यात विटा पडून ६५ वर्षीय सुरक्षा रक्षकाचा मृत्यू, दहिसर पोलीस ठाण्यात गुन्हा दाखल