करोनामुळे पालक गमावलेल्या विद्यार्थ्यांच्या शुल्कमाफीचे निर्देश ; महाविद्यालयांना अहवाल सादर करण्यासाठी ३१ जुलैची मुदत

करोनाच्या प्रादुर्भावामुळे निर्माण झालेल्या आर्थिक अडचणी लक्षात घेऊन उच्च व तंत्रशिक्षण विभागाने करोनामुळे पालक गमावलेल्या विद्यार्थ्यांचे संपूर्ण शुल्क माफ करण्याचा निर्णय घेतला होता. या निर्णयानुसार विद्यापीठाने परिपत्रक प्रसिद्ध करून अंमलबजावणीचे निर्देश दिले होते. मात्र महाविद्यालयांकडून शुल्कमाफी करण्यात न आल्याने विद्यार्थी संघटनांकडून पाठपुरावा करण्यात येत होता.  विद्यापीठाने प्रसिद्ध केलेल्या परिपत्रकानुसार करोनामुळे पालक गमावलेल्या आणि शुल्कमाफी न मिळालेल्या विद्यार्थ्यांची विद्यार्थी संघटनांकडून विद्यापीठाकडे पाठवली आहे. महाविद्यालयांचे प्राचार्य, संचालक यांनी संबंधित विद्यार्थ्यांची शुल्कांसंदर्भातील अहवाल ३१ जुलैपर्यंत पाठवण्याबाबत स्पष्ट करण्यात आले आहे. तर निर्णयाची अंमलबजावणी न करणाऱ्या महाविद्यालयांवर कारवाई करण्याची मागणी स्टुडन्ट हेल्पिंग हँडच्या कुलदीप आंबेकर यांनी केली.