scorecardresearch

Premium

पीएमआरडीएच्या मेट्रोला ‘राजभवन’कडून नकार… जाणून घ्या कारण

या मेट्रोसाठी राज्यपालांचे पुण्यातील औंध रस्त्यावरील अधिकृत निवासस्थान असलेल्या ‘राजभवन’ची जागा सुरक्षेच्या कारणास्तव मिळण्यातही अडचणी येत आहेत.

PMRDA's metro reject 'Raj Bhavan' pune
पीएमआरडीएच्या मेट्रोला 'राजभवन'कडून नकार… जाणून घ्या कारण (छायाचित्र- लोकसत्ता टीम)

पुणे: पुणे महानगर प्रदेश विकास प्राधिकरणाकडून (पीएमआरडीए) करण्यात येणाऱ्या हिंजवडी ते शिवाजीनगर मेट्रोची अडथळ्यांची शर्यत काही थांबण्याचे नाव नाही. या मेट्रो मार्गावरील गणेशखिंड रस्त्याच्या रुंदीकरणात दोन्ही बाजूला मेट्रो स्टेशनचे जिने, एलेव्हेटर करण्याला महापालिकेकडून विरोध होत आहे. तसेच या मेट्रोसाठी राज्यपालांचे पुण्यातील औंध रस्त्यावरील अधिकृत निवासस्थान असलेल्या ‘राजभवन’ची जागा सुरक्षेच्या कारणास्तव मिळण्यातही अडचणी येत आहेत.

मेट्रो प्रकल्पात राजभवनच्या जागेत मेट्रो स्थानकाचा जिना येत असल्याने राजभवनची सुरक्षितता धोक्यात येत असल्याचे कळविण्यात आले आहे. राजभवन राज्यपालांचे अधिकृत निवासस्थान असून औंध रस्त्यावर असणाऱ्या या निवासस्थानाला इंग्रजांच्या काळापासून ऐतिहासिक वारसा आहे. देशाचे राष्ट्रपती पुणे दौऱ्यावर येतात, तेव्हा त्यांचा मुक्काम राजभवनातच असतो. या कारणास्तव नकार कळविण्यात आला असल्याचे प्रशासनाकडून सांगण्यात आले.

sc justice bhushan gavai at the foundation stone ceremony of pimpri chinchwad court building in moshi
पिंपरी : सर्वोच्च न्यायालयाचे न्यायमूर्ती भूषण गवई म्हणाले, हेच न्यायाधीशाचे कर्तव्य…
What is Ajit Pawars suggestion regarding the income tax in the included villages
समाविष्ट गावातील मिळकतकराबाबत अजित पवार यांची सूचना काय?
india estimates 1140 lakh tonnes wheat production this year
पुणे: यंदा देशात गव्हाचे उत्पादन उच्चांकी? सरकारचा अंदाज काय?
Bhor MLA Sangram Thopte with MP Supriya Sule
मोठी बातमी : भोरचे आमदार संग्राम थोपटे खासदार सुप्रिया सुळेंबरोबर!

हेही वाचा…. मुलांच्या जीवाशी खेळ! विद्यार्थ्यांची धोकादायक पद्धतीने वाहतूक

पीएमआरडीएकडून हिंजवडी ते शिवाजीनगर मेट्रो मार्गिका पुणे आयटी सिटी मेट्रो रेल लिमिटेडच्या माध्यमातून या प्रकल्पाचे काम सुरू आहे. ८० टक्के खांबाची उभारणीही पूर्ण झाली आहे. या मेट्रोसाठी औंध भागातील टायग्रीस कॅम्प, ग्रामीण पोलीस, शिवाजीनगर भागातील आकाशवाणी ऑल इंडिया रेडिओ आणि हवामान विभाग, आरबीआय व आकाशवाणी, न्यायालय वाहनतळ, सेण्ट्रल बी रिसर्च व ट्रेनिंग सेंटर, शासकीय तंत्रशिक्षण विभाग, पोलीस भरती मैदान, पोलीस रिक्रेशन हॉल, सीओईपी वसतिगृह, न्यायालय, कृषी विद्यापीठ, कृषी महाविद्यालय या जागा जवळपास मिळाल्या आहेत. राजभवनच्या जागेसाठी जिल्हाधिकारी, विभागीय आयुक्त, पीएमआरडीएचे महानगर आयुक्त, नगररचना अशा विभागांच्या प्रमुखांची समिती करण्यात आली आहे. या अधिकाऱ्यांनी बैठका घेऊन जागेबाबत तोडगा काढण्याचे आदेश राज्य सरकारने दिले आहेत, असे जिल्हा प्रशासनातील सूत्रांनी सांगितले.

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Pmrdas metro rejected by raj bhavan pune print news psg 17 dvr

First published on: 06-12-2023 at 11:21 IST

आजचा ई-पेपर : पुणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×