पुणे : गुंतवणुकीच्या आमिषाने व्यावसायिकाची ४८ लाखांची फसवणूक

दीपक रमेश शिंदे (वय,२७ रा.बाणेर) याच्या विरोधात गुन्हा दाखल करण्यात असून, याबाब एका व्यावसायिकाने चतु:शृंगी पोलीस ठाण्यात फिर्याद दिली आहे. आरोपी शिंदे आणि व्यावसायिकाची काही महिन्यांपूर्वी ओळख झाली होती. खासगी वित्तीय संस्था, शेअर बाजारातील गुंतवणूक तज्ज्ञ ओळखीचे असल्याची बतावणी शिंदेने व्यावसायिकाकडे केली होती. तसेच, गुंतवणुकीवर जादा परतावा मिळवून देण्याचे आमिष देखील शिंदेने व्यावसायिकाला दाखविले होते.

यानंतर त्या व्यावसायिकाकडून वेळोवेळी करून शिंदेने तब्बल ४८ लाख रुपये घेतले आणि त्यांना परतावा मात्र दिला नाही. आपली फसवणूक झाल्याचे व्यावसायिकाच्या लक्षात आल्यानंतर त्यांनी पोलिसांकडे तक्रार नोंदवली.