कोथरूडमधील ज्येष्ठ महिलेची २६ लाखांची लूट, पोलीस असल्याचे भासवून दोघांना २६ लाखांना लुटले

तुमच्यावर गुन्हा दाखल झाला असून, अटक करण्याची भीती त्यांना दाखवली. तसेच अटक करायची नसेल, केवळ चौकशी करण्यासाठी म्हणून तक्रारदाराकडून ४ लाख ६५ हजार ६ रुपये घेतले. तक्रारदाराने पैसे दिल्यानंतर त्यांना समोरील व्यक्ती पोलीस नसल्याचे लक्षात आले. त्यानंतर त्यांनी वारजे माळवाडी पोलीस ठाण्यात धाव घेत तक्रार दिली. वरिष्ठ पोलीस निरीक्षक विश्वजित काईंगडे पुढील तपास करत आहेत.

दुसऱ्या घटनेत कर्वे पुतळ्याजवळ राहणाऱ्या ७६ वर्षीय ज्येष्ठ महिलेला संजय पिसेनामक व्यक्तीने मोबाइल नंबर आणि व्हॉट्सअपद्वारे पोलीस असल्याचे भासवले. तक्रारदार महिलेच्या आधार कार्डचा वापर करून आर्थिक फसवणूक करण्याच्या उद्देशाने त्यांची २१ लाख ६५ हजार १५० रुपयांची आर्थिक फसवणूक केली. हा प्रकार ८ फेब्रुवारी ते १ मार्च या कालावधीत घडला. याप्रकरणी अलंकार पोलीस ठाण्यात गुन्हा दाखल करण्यात आला असून, पोलीस निरीक्षक माने पुढील तपास करत आहेत.