पिंपरीत दिवसभर संततधार; वाहतूक मंदावली, विजेचा लपंडाव

पावसाने उघडीप न घेतल्याने रविवारी पिंपरी-चिंचवड शहरात दिवसभर संततधार राहिली.

पावसाने उघडीप न घेतल्याने रविवारी पिंपरी-चिंचवड शहरात दिवसभर संततधार राहिली. त्यामुळे शहरातील प्रमुख रस्त्यांवरील वाहतुकीचा वेग बराच मंदावला. पावसामुळे दिवसभर विजेचा लपंडाव सुरू होता, त्यामुळे नागरिकांची सुटीच्या दिवशी गैरसोय झाली.
शनिवारी दिवसभर पाऊस होता. रविवारीही तो सुरूच राहिला. सकाळपासून संततधार सुरू राहिली. त्यामुळे नागरिकांनी सुटीच्या दिवशी घराबाहेर न पडता आराम करणेच पसंत केले. शहराच्या विविध भागातील वीजपुरवठा खंडित होण्याचे प्रकार घडले, तर काही ठिकाणी झाडे उन्मळून पडल्याच्या घटनाही घडल्या. रस्त्यांवर पाणी साचल्याने तसेच वाहतुकीचे दिवे बंद पडल्याने शहरातील वाहतूक मंदावल्याचे चित्र दिसून आले. त्यामुळे अनेक ठिकाणी वाहतुकीची कोंडी झाली होती. संध्याकाळी अधिक संख्येने वाहने रस्त्यावर आल्याने कोंडीत भरच पडली.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

Web Title: Rain continues to fall in pimpri