पुणे शहराध्यक्ष प्रशांत जगताप यांच्यासह सर्व पदाधिकाऱ्यांचे राजीनामे; शरद पवारांना राजीनामा मागे घेण्याची मागणी

हेही वाचा – पुण्यात रामदास आठवले यांनी काढली कार्यकर्त्यांची अक्कल; म्हणाले, “यांना चांगलं ट्रेनिंग द्या…”

पुण्यातील राष्ट्रवादी काँग्रेस पक्षाच्या शहर कार्यालयाजवळ पदाधिकारी आणि कार्यकर्ते एकत्रित आले. यावेळी शरद पवार यांनी राजीनामा मागे घ्यावा अशी मागणी करण्यात आली. राष्ट्रवादी काँग्रेस पक्षाच्या प्रवक्त्या रुपाली पाटील म्हणाल्या की, देशाच्या राजकारणात शरद पवार हे सर्वोच्च स्थानी आहेत. शरद पवार हे सत्तेमध्ये असो अथवा नसो, त्यांचं मार्गदर्शन घेण्यासाठी सर्व पक्षातील नेते त्यांना भेटत असतात. पण आज अचानकपणे शरद पवार यांनी अध्यक्षपदावरून निवृत्त होण्याचा निर्णय घेतला. हा निर्णय आमच्या सर्वासाठी धक्कादायक आहे. निवृत्त होण्याचा निर्णय साहेबांनी मागे घ्यावा, असे त्या म्हणाल्या.

हेही वाचा – पुणे : प्रियकराच्या त्रासामुळे युवतीची आत्महत्या, प्रियकरासह दोघांच्या विरुद्ध गुन्हा

शरद पवार यांनी आम्हाला कायम मार्गदर्शन करीत राहावे. हीच मागणी देशातील सर्व कार्यकर्त्यांची आहे. जोपर्यंत शरद पवार अध्यक्षपदावरून निवृत्त होण्याचा निर्णय मागे घेत नाही. तोपर्यंत आम्ही आमची मागणी करीत राहणार असून, आम्ही सर्वजण आमच्यापदाचा राजीनामा देत असल्याचेही त्या म्हणाल्या.