पिंपरी : पिंपरी-चिंचवड भाजपाच्या शहराध्यक्षपदी शंकर जगताप यांची नियुक्ती करण्यात आली आहे. भाजपा प्रदेशाध्यक्ष चंद्रशेखर बावनकुळे यांनी ही नियुक्ती केली.
भोसरीचे आमदार महेश लांडगे यांच्याकडे १६ जानेवारी २०२० रोजी भाजपाच्या शहराध्यक्षपदाची धुरा सोपविण्यात आली होती. त्यांचा शहराध्यक्षपदाचा तीन वर्षांचा कार्यकाळ संपून सात महिने पूर्ण झाले. लांडगे यांचा कार्यकाळ संपल्याने त्यांना मुदतवाढ न देता शंकर जगताप यांची शहराध्यक्षपदी नियुक्ती केली आहे. शंकर जगताप हे पिंपरी-चिंचवड महापालिकेत नगरसेवक होते. दिवंगत आमदार लक्ष्मण जगताप यांचे शंकर हे बंधू आहेत.
हेही वाचा – धोका वाढला! डेंग्यूमुळे पुण्यात वर्षातील पहिला बळी
हेही वाचा – पुणे : रुबी हॉल क्लिनिकमधील ‘किडनी रॅकेट’ प्रकरणी राज्य सरकारचा मोठा निर्णय
पोटनिवडणुकीत झालेला अन्याय दूर
चिंचवड विधानसभा पोटनिवडणुकीत प्रबळ दावेदार असतानाही शंकर जगताप यांना पक्षाने उमेदवारी दिली नव्हती. त्यांच्याऐवजी दिवंगत आमदार लक्ष्मण जगताप यांच्या पत्नी अश्विनी यांना उमेदवारी दिली. त्यामुळे शंकर यांच्यावर अन्याय झाला. शहराध्यक्षपद देऊन पोटनिवडणुकीत त्यांच्यावर झालेला अन्याय दूर करावा, अशी एका गटाची मागणी होती. प्रदेशाध्यक्ष चंद्रशेखर बावनकुळे आणि उपमुख्यमंत्री देवेंद्र फडणवीस यांनी जगताप यांना शहराध्यक्ष करून अन्याय दूर केल्याची चर्चा भाजपा कार्यकर्त्यांमध्ये आहे.
