पुणे : आंतरजातीय प्रेमविवाह केलेल्या तरुणीची आत्महत्या; खडकवासला भागातील घटना

हेही वाचा- चारित्र्याच्या संशयातून अभियंत्याकडून पत्नीचा खून; पुण्यातील हडपसर भागातील घटना

कुटुंबीयांच्या विरोध डावलून प्रांजलने दोन वर्षांपूर्वी प्रेमविवाह केला होता. प्रांजलचा पती कामावरुन घरी आला. पतीने घराचा दरवाजा वाजविला. मात्र, तिने प्रतिसाद दिला नाही. त्याने घरमालकाला या घटनेची माहिती दिली. त्यानंतर पोलीस घटनास्थळी दाखल झाले. पोलिसांनी दरवाजा तोडला. तेव्हा प्रांजलने गळफास घेऊन आत्महत्या केल्याचे उघडकीस आले. पोलिसांनी घटनास्थळाची पाहणी केली. प्रांजलने आत्महत्या करण्यापूर्वी चिठ्ठी लिहिली नसल्याचे आढळून आले.

हेही वाचा- पुणे : हरियाणातल्या विद्यार्थिनीचे कपडे फाडून विनयभंग; सहकारी विद्यार्थीच आरोपी

तिच्या आत्महत्येमागचे कारण समजू शकले नाही. हवेली पोलीस ठाण्यात या प्रकरणी अकस्मात मृत्यू अशी नोंद करण्मात आली आहे. प्रांजलच्या नातेवाईकांच्या जबाब नोंदविण्याचे काम सुरू असून पोलीस निरीक्षक सदाशिव शेलार यांच्या मार्गदर्शनाखाली तपास करण्यात येत आहे.