पिस्तुल बाळगणाऱ्या सराईत गुन्हेगाराला विमानतळ पोलिसांनी पकडले. त्याच्याकडून देशी बनावटीची दोन पिस्तुले आणि सहा काडतुसे जप्त करण्यात आली.रामकृष्ण विश्वास भोंडवे (वय ३८, रा. गणेश हौसिंग सोसायटी, चिंचवड) असे अटक करण्यात आलेल्याचे नाव आहे. विमाननगर परिसरातील पोरवाल रस्त्यावर एकजण थांबला असून त्याच्याकडे पिस्तुल असल्याची माहिती तपास पथकातील पोलीस कर्मचारी सचिन जाधव आणि सचिन कदम यांना मिळाली. पोलिसांच्या पथकाने सापळा लावून भोंडवेला पकडले. त्याची झडती घेण्यात आली. तेव्हा त्याच्याकडे देशी बनावटीची दोन पिस्तुले आणि सहा काडतुसे सापडली.
हेही वाचा >>>पुणे : देशभरात ११ डिसेंबरला भारतीय भाषा उत्सव ; विविध उपक्रम राबवण्याचे यूजीसीचे निर्देश
भोंडवे याने पिस्तुल कोठून आणले; तसेच कशासाठी आणले, यादृष्टीने पोलिसांकडून तपास करण्यात येत आहे. विमानतळ पोलीस ठाण्याचे वरिष्ठ पोलीस निरीक्षक विलास सोंडे, गुन्हे शाखेचे पोलीस निरीक्षक मंगेश जगताप यांच्या मार्गदर्शनाखाली उपनिरीक्षक रवींद्र ढावरे, अविनाश शेवाळे, गणेश साळुंके, सचिन कदम, सचिन जाधव, रुपेश पिसाळ, नाना कर्चे आदींनी ही कारवाई केली.
