scorecardresearch

Premium

यंदा पुणे महापालिकेचे अंदाजपत्रक डिसेंबरमध्ये?

लोकसभा निवडणूक मार्च-एप्रिल महिन्यात होण्याची शक्यता असल्याने यंदा महापालिकेचे अंदाजपत्रक लवकर सादर होण्याची शक्यता आहे.

budget of Pune Municipal Corporation
महापालिकेचे महसुली, भांडवली उत्पन्न आणि खर्चाचा आराखडा (प्रारूप अंदाजपत्रक) प्रशासनाकडून केले जाते.(फोटो सौजन्य- प्रातिनिधिक छायाचित्र)

लोकसत्ता प्रतिनिधी

पुणे : लोकसभा निवडणूक मार्च-एप्रिल महिन्यात होण्याची शक्यता असल्याने यंदा महापालिकेचे अंदाजपत्रक लवकर सादर होण्याची शक्यता आहे. डिसेंबरमध्ये अंदाजपत्रक सादर होण्याच्या शक्यतेने विविध विभागांकडूनही तयारी सुरू झाली आहे. प्रशासकीय अडचण टाळण्यासाठी हा निर्णय घेण्यात आला आहे.

IPL 2024 and Loksabha Election 2024
IPL 2024 : लोकसभेच्या निवडणुकांमुळे आयपीएलचं अर्धच वेळापत्रक जाहीर, उर्वरित सामने कधी होणार?
Gold prices fall again
खुशखबर; सोन्याच्या दरात पून्हा घसरण, हे आहेत आजचे दर…
pune bjp officials get order to paint private walls with slogans and bjp election symbols
भाजपाचा पुण्यातील पदाधिकाऱ्यांना आदेश…भिंती रंगवा, प्रचार करा!
Para Shooting World Cup hosts in crisis
पॅरा नेमबाजीच्या विश्वचषक स्पर्धेचे आयोजन संकटात; पॅरालिम्पिक समिती बरखास्त केल्याचे परिणाम

महापालिकेचे महसुली, भांडवली उत्पन्न आणि खर्चाचा आराखडा (प्रारूप अंदाजपत्रक) प्रशासनाकडून केले जाते. जानेवारी महिन्यात महापालिका आयुक्त प्रारूप अंदाजपत्रक स्थायी समितीला जानेवारी महिन्यात सादर करतात. त्यानंतर स्थायी समितीकडून त्यामध्ये काही सुधारणा करून ते मुख्य सभेला सादर केले जाते. मुख्य सभेच्या मान्यतेनंतर एप्रिल महिन्यापासून अंदाजपत्रकाची अंमलबजावणी सुरू होते.

आणखी वाचा-आखाती देशात पुण्यातील महिलांची विक्री; दलालांविरुद्ध गुन्हा दाखल

महापालिका निवडणूक लांबणीवर पडल्याने गेल्या दीड वर्षांपासून महापालिकेचा कारभार आयुक्त विक्रम कुमार प्रशासक म्हणून चालवित आहेत. त्यांच्या अध्यक्षतेखाली स्थायी समिती आणि मुख्य सभा होत आहेत. लोकसभेची पंचवार्षिक निवडणूक मार्च-एप्रिल महिन्यात होणार आहे. ही निवडणूक वेळेवर होईल, असे संकेत देण्यात आले आहेत. त्यामुळे फेब्रुवारी महिन्यात लोकसभा निवडणुकीसाठीची आचारसंहिता लागण्याची शक्यता आहे. त्यामुळे महापालिकेचे अंदाजपत्रक आचारसंहितेत अडकण्याची भीती आहे. या पार्श्वभूमीवर आचारसंहितेची प्रशासकीय अडचण टाळण्यासाठी डिसेंबर किंवा जानेवारी महिन्याच्या पहिल्या आठवड्यातच २०२४-२५ या वर्षासाठीचे अंदाजपत्रक सादर केले जाणार आहे.

आणखी वाचा-एटीएसची मोठी कारवाई : बेकायदा वास्तव्य करणाऱ्या तीन बांगलादेशींना अटक

महापालिका आयुक्त, प्रशासक विक्रम कुमार यांनीही या शक्यतेला दुजोरा दिला. गणेशोत्सव संपल्यानंतर यासंदर्भात महापालिकेत बैठक होणार आहे. अंदाजपत्रक डिसेंबर महिन्यात सादर होण्याच्या शक्यतेने महापालिकेच्या सर्व विभाग प्रमुखांकडून तयारी सुरू झाली आहे. नवे प्रकल्प, योजना तसेच जुन्या प्रकल्पांच्या कामाची माहिती संकलित करण्यास सुरुवात झाली असून चालू आर्थिक वर्षात झालेल्या खर्चाची तसेच अपेक्षित खर्चाची माहिती तयार करण्याची सूचना खातेप्रमुखांनी अधिकाऱ्यांना दिली आहे. सहा महिन्यांच्या उत्पन्न आणि खर्चाचा आढावाही घेण्यात येणार असल्याचे त्यांनी सांगितले.

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: This year the budget of pune municipal corporation in december pune print news apk 13 mrj

First published on: 20-09-2023 at 11:18 IST

आजचा ई-पेपर : पुणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×