पुणे: गणेशखिंड रस्त्यावर दुमजली उड्डाणपुलाच्या कामासाठी वाहतूकीत बदल

भोसलेनगरकडून कॉसमॉस बँकेजवळील चौकातून गणेशखिंड रस्त्यावर जाणाऱ्या सर्व प्रकारच्या वाहनांना बंदी करण्यात आली आहे. त्यामुळे भोसलेनगर किंवा रेंजहिल्सकडून सेनापती बापट रस्ता, विद्यापीठ आणि पाषाणकडे जाणारी वाहने रेंजहिल्स चौकातून डावीकडे वळून वीर चापेकर चौकातून वळून इच्छितस्थळी जातील, अशी माहिती वाहतूक शाखेचे पोलीस उपायुक्त विजयकुमार मगर यांनी दिली.