Slab Collapse: ढोले-पाटील रस्त्यावर स्लॅब कोसळून दोन मजूर जखमी; हाॅटेलच्या नुतनीकरणाचे काम सुरू असताना दुर्घटना

पुणे स्टेशन परिसरातील ढोले-पाटील रस्त्यावर एका हाॅटेलच्या नुतनीकरणाचे काम सुरू आहे. बुधवारी दुपारी काम सुरू असताना अचानक स्लॅब कोसळला. स्लॅबच्या जवळ काम करणारे दोन मजूर राडारोड्याखाली अडकले. या घटनेची माहिती मिळताच अग्निशमन दलाचे तीन बंब घटनास्थळी दाखल झाले. राडारोड्याखाली अडकलेल्या दोन मजुरांना तातडीने बारे काढण्यात आले. या घटनेची माहिती मिळताच पोलिसांनी घटनास्थळी भेट दिली. दुर्घटनेत गंभीर जखमी झालेल्या दोन मजुरांना तातडीने खासगी रुग्णालयात दाखल करण्यात आले. दुर्घटनेत गंभीर जखमी झालेल्या दोन मजुरांवर खासगी रुग्णालयात उपचार सुरू असल्याची माहिती बंडगार्डन पोलिसांंनी दिली.