सावित्रीबाई फुले पुणे विद्यापीठाकडून कुलगुरू पदासाठी जाहिरात प्रसिद्ध; कुलगुरू निवडीला वेग

हेही वाचा- पुणे: प्रसाद वनारसे यांना तन्वीर नाट्यधर्मी पुरस्कार जाहीर

डॉ. नितीन करमळकर यांचा कुलगुरू पदाचा कार्यकाळ मेमध्ये संपला. त्यानंतर विद्यापीठाच्या कुलगुरू पदाचा अतिरिक्त कार्यभार  डॉ. बाबासाहेब आंबेडकर तंत्रशास्त्र विद्यापीठाचे कुलगुरू डॉ. कारभारी काळे यांच्याकडे सोपवण्यात आला. महाविकास आघाडी सरकारने विद्यापीठ कायद्यात केलेल्या बदलांना राज्यपालांनी मान्यता न दिल्याने कुलगुरू निवड प्रक्रिया रखडली होती. राज्यात जुलैमध्ये सत्तांतर झाल्यानंतर राज्य शासनाने विद्यापीठ कायद्यातील प्रस्तावित बदल रद्द केले. त्यानंतर कुलगुरू निवड शोध समिती सप्टेंबबरमध्ये नियुक्त करण्यात आली. त्यानंतर जवळपास दीड महिन्यांनी कुलगुरू शोध समितीने विद्यापीठामार्फत शनिवारी जाहिरात प्रसिद्ध केली. इच्छुकांना अर्ज करण्यासाठी १४ डिसेंबरची मुदत देण्यात आली आहे. या पार्श्वभूमीवर आलेल्या  अर्जांची छाननी, शोध समितीमार्फत मुलाखती आदी प्रक्रिया पूर्ण करण्यास साधारणपणे दोन ते अडीच महिने लागतील. त्यानंतर विद्यापीठाच्या नव्या कुलगुरूंची निवड होणार असल्याचे स्पष्ट होत आहे.