डब्यासाठी मुलांना आवडेल असा नाश्ता! बनवा क्रिस्पी ब्रेड उत्तप्पा; सोपा, झटपट व आरोग्यदायी नाश्ता

ब्रेड उत्तप्पा हा पारंपरिक उत्तप्पासारखा असला तरी, त्यात ब्रेड आणि काही साध्या घरी उपलब्ध असलेल्या साहित्याचा उपयोग करून तो लहान मुलांसाठी अधिक आकर्षक आणि सोपा बनवता येतो. यामध्ये प्रोटीन, कार्बोहायड्रेट्स, व्हिटामिन्स आणि मिनरल्स भरपूर प्रमाणात असतात, जे मुलांना दिवसाची सुरुवात ऊर्जा देऊन करतात. तसेच, हा पदार्थ तयार करण्यास फार वेळ लागत नाही आणि त्याची चव मुलांना नक्कीच आवडते.

ब्रेड उत्तप्पासाठी साहित्य :

४-५ ब्रेडचे तुकडे

२ कप सुजी

२ मोठे चमचे मैदा

१ कप दही

१ बारीक चिरलेली शिमला मिरची

२ बारीक चिरलेले कांदे

१ छोटा टोमॅटो

१ चमचा किसलेलं आलं

थोडीशी कापलेली कोथिंबीर

चवीनुसार मीठ

तेल

ब्रेड उत्तप्पा कसा तयार करावा?

सुरुवातीला एका मिक्सरमध्ये सुजी, मैदा, दही, ब्रेडचे तुकडे व थोडे पाणी घालून मिश्रणाची बारीक पेस्ट तयार करावी. त्यानंतर या मिश्रणात सर्व बारीक चिरलेल्या भाज्या घालाव्यात. या मिश्रणात आले, हिरवी मिरची, मीठ टाकून चांगले मिसळून घ्या. कारण- ते आवश्यक आहे.

त्यानंतर नॉन-स्टिक तवा गरम करावा आणि त्यावर थोडे तेल टाकून ते ब्रशने पसरवावे. एक चमचा तयार मिश्रण घेऊन, ते तव्यावर पसरवावे आणि मध्यम आचेवर दोन्ही बाजूंनी सोनेरी रंग येईपर्यंत शेकावे. तव्यावर उत्तप्पा नीट शिजल्यावर तो प्लेटमध्ये काढावा आणि वरून थोडी कोथिंबीर घालून तो सजवावा.

ब्रेड उत्तप्पा मुलांच्या नाश्ता, तसेच डब्यासाठी एक उत्तम पर्याय आहे. या उत्तप्पासह गरमागरम टोमॅटोची चटणी दिल्यास मुलांना ती अधिक चविष्ट लागते. या रेसिपीतून मुलं पौष्टिकता मिळवतात आणि आई-वडिलांना मुलांची खात्रीही होते की, त्यांना ऊर्जा आणि आवश्यक पोषण मिळत आहे. लहान मुलांसाठी नाश्ता तयार करताना ब्रेड उत्तप्पा हा एक सोपा झटपट आणि पौष्टिक पर्याय आहे. या उत्तप्पामध्ये विविध भाज्या समाविष्ट केल्यामुळे मुलांच्या आरोग्यासाठी तो फायदेशीर ठरतो आणि मुलांचा नाश्त्याबद्दलचा उत्साहदेखील वाढवतो.