१ वाटी मूग वापरून घरच्या घरी बनवा स्वादिष्ट, आरोग्यदायी भेळ; VIDEO पाहा अन् रेसिपी लिहून घ्या

साहित्य –

एक १ वाटी उकडलेले मूग
१/४ कप कांदा
१/३ कप टोमॅटो
१/३ कप उकडलेला बटाटा
हिरवी मिरची
कोथिंबीर
दोन चमचे शेंगदाणे
रॉक मीठ
चाट मसाला
चिंचेची चटणी
पुदिन्याची चटणी
१/२ कप कुरमुरे
लिंबू
शेव

हेही वाचा…फक्त १ जुडी कोथिंबीरीपासून बनवा अतिशय सोपी व स्वादिष्ट चटणी; साहित्य, कृती लिहून घ्या

व्हिडीओ नक्की बघा…

कृती –

गॅसवर एक भांड ठेवा. त्यात एक १ वाटी मूग, रॉक मीठ, हळद आणि कपभर पाणी घाला व थोडावेळ उकळवून घ्या.
नंतर पाणी बाजूला काढून घ्या व एका बाउलमध्ये मूग घ्या. त्यानंतर त्यात कांदा, टोमॅटो, उकडलेले बटाटे आणि शेंगदाणे घाला.
त्यानंतर कोथिंबीर, हिरव्या मिरचीचे बारीक तुकडे,चाट मसाला, रॉक मीठ, पुदिन्याची चटणी, चिंचेची चटणी व थोडा लिंबाचा रस घाला.
त्यात शेवपुरीची पुरी कुस्करून घाला आणि सगळ्यात शेवटी कुरमुरे घाला.
मिश्रण एकजीव करून घ्या व त्यात शेव आणि कोथिंबीर सजावटीसाठी वरून घाला.
अशाप्रकारे तुमची ‘मूग भेळ’ तयार.

सोशल मीडियावर हा व्हिडीओ @food.and.frolic या इन्स्टाग्राम अकाउंटवरून शेअर करण्यात आला आहे. अक्षदा असे या फूड ब्लॉगरचे नाव असून नवनवीन रेसिपी ती युजर्सबरोबर शेअर करत असते. तर आज युजरने अगदीच पौष्टिक आणि डाएटसाठी फायदेशीर ठरेल अशी मूग भेळ तयार केली आहे ; ज्याचे सेवन लहान मुलांपासून ते मोठ्यांपर्यंत सगळेच करू शकतात. ही तयार करणे देखील सोपे आहे आणि नाश्ताच्या वेळी सुद्धा तुम्ही या भेळचे सेवन करू शकतात. मूग पचायला सोपे असे कडधान्य आहे. आयुर्वेदामध्ये आहार म्हणून मूग सर्वश्रेष्ठ सांगितले जाते. १०० ग्रॅम मूग डाळीत सुमारे २४ ग्रॅम प्रथिने असतात. त्यामुळे रोगप्रतिकारक शक्ती वाढवण्यासाठी आणि निरोगी राहण्यासाठी दररोज आहारात निरोगी प्रथिनांचे सेवन करणे महत्वाचे आहे. दररोज बाहेरचे खाद्यपदार्थ खाण्यापेक्षा स्वयंपाकघरात सहज उपलब्ध होणारी मूगची भेळ बनवून त्याचा आहारात समावेश करू शकता.