श्रावण विशेष: उपवासाला कधी पुरणपोळी खाल्ली आहे का? ही घ्या उपवासाच्या पुरणपोळीची सोपी रेसिपी

साहित्य –

• राजगिरा पीठ – १५० ग्रॅम
• तूप – ३ ते ४ टेबलस्पून
• मावा – १५० ग्रॅम (किसलेला मावा)
• बदाम व पिस्त्याचे काप – १ टेबलस्पून
• वेलची पूड – १/२ टेबलस्पून
• पिठीसाखर – ३ टेबलस्पून
• पाणी – गरजेनुसार

कृती –

• सर्वप्रथम, एका मोठ्या बाऊलमध्ये राजगिऱ्याचे पीठ घेऊन त्यात गरजेनुसार पाणी घालून मऊसूत पीठ मळून घ्यावे. पीठ मळून झाल्यावर ते बाजूला ठेवून द्यावे.

• एका बाऊलमध्ये किसलेला मावा घेऊन त्यात वेलची पूड, बदाम व पिस्त्याचे काप, पिठीसाखर घालून हे सगळे जिन्नस एकजीव करून त्याचे सारण बनवून घ्यावे.

• आता राजगिऱ्याच्या मळून घेतलेल्या पिठाचे खोलगट आकाराचे गोळे करून त्यात हे माव्याचे सारण भरून घ्यावे.

• माव्याचे सारण भरुन घेतल्यानंतर ही पोळी हलक्या हाताने लाटून घ्यावी.

• त्यानंतर पॅनवर थोडे साजूक तूप घालून ही उपवासाची पुरणपोळी दोन्ही बाजुंनी खरपूस भाजून घ्यावी.

हेही वाचा – श्रावण विशेष: उपवासाला कधी अप्पे खाल्लेत का? ही घ्या टेस्टी बटाट्याच्या अप्प्यांची सोपी रेसिपी

• गरमागरम उपवासाची पुरणपोळी साजूक तूप घालून खाण्यासाठी सर्व्ह करावी.