Apple चे CEO टीम कूक यांनी घेतली पंतप्रधान नरेंद्र मोदींची भेट; ट्विटर पोस्ट शेअर करत म्हणाले...|apple ceo tim cook meets pm narendra modi new delhi open retail store in delhi

Apple सीईओ टीम कूक सध्या भारत दौऱ्यावर आहेत.

apple ceo tim cook meet pm narendra modi

Apple चे CEO टीम कूक यांनी घेतली पंतप्रधान नरेंद्र मोदींची भेट (Image Credit- Tim Cook/Twitter)

Apple सीईओ टीम कूक सध्या भारत दौऱ्यावर आहेत. यामागे खास कारण म्हणजे भारतात apple चे रिटेल स्टोअर सुरु झाले आहेत. यापैकी देशातील पहिल्या रिटेल स्टोअरचे उदघाट्न टीम कूक यांनी केले आहे. तर आज दुसऱ्या स्टोअरचे उदघाटन ते करणार आहेत. यातच टीम कूक यांनी पंतप्रधान नरेंद्र मोदी यांची भेट घेतली आहे. या भेटीचा ए फोटो देखील कूक यांनी ट्विटरवर शेअर केला आहे.

टीम कूक यांनी पंतप्रधान मोदींची भेट घेतल्यावर ट्विटरवर एक पोस्ट शेअर करत फोटो देखील शेअर केला आहे. इतकेच नाही तर टीम कूक यांनी आपल्या भारत दौऱ्यादरम्यान पंतप्रधान नरेंद्र मोदी यांनी केलेल्या स्वागताबद्दल आभार मानले आहेत. तसेच ते म्हणाले, Apple भारतभर विस्तार करण्यासह गुंतवणूक करण्यासाठी देखील कटिबद्ध आहे.

हेही वाचा : देशातील दुसरे Apple चे रिटेल स्टोअर ‘या’ शहरात होणार सुरू; ७० सदस्यांची टीम १५ भाषांमध्ये संवाद साधणार

पंतप्रधान मोदींची भेट घेतल्यानंतर कूक यांनी ट्विटरवर एक पोस्ट शेअर केली. त्यात ते म्हणाले, ”स्वागत केल्याबद्दल पंतप्रधान नरेंद्र मोदी यांचे आभार. शिक्षण ते विकासकांपासून उत्पादन आणि पर्यावरणापर्यंत, आम्ही देशभर विस्तार आणि गुंतवणूक करण्यासाठी वचनबद्ध आहोत.”

Thank you Prime Minister @narendramodi for the warm welcome. We share your vision of the positive impact technology can make on India’s future — from education and developers to manufacturing and the environment, we’re committed to growing and investing across the country. pic.twitter.com/xRSjc7u5Ip
— Tim Cook (@tim_cook) April 19, 2023

टीम कुक यांची भेट घेतल्यानंतर पंतप्रधान नरेंद्र मोदींनीही ट्विटरवर एक पोस्ट शेअर केली आहे. त्यांनी आपल्या ट्विटमध्ये लिहिले, ‘तुम्हाला भेटून आनंद झाला. विविध विषयांवर विचारांची देवाणघेवाण करणे आणि भारतात होत असलेल्या तंत्रज्ञानाशी संबंधित बदलांची माहिती शेअर करणे खूप आनंदाची बाब आहे.

An absolute delight to meet you, @tim_cook! Glad to exchange views on diverse topics and highlight the tech-powered transformations taking place in India. https://t.co/hetLIjEQEU
— Narendra Modi (@narendramodi) April 19, 2023

हेही वाचा : VIDEO: देशातील पहिले Apple चे रिटेल स्टोअर मुंबईत झाले सुरु, CEO टीम कुक यांनी केले ग्राहकांचे स्वागत

iPhone निर्माता Apple ने मंगळवारी भारतात पहिले Apple Store लॉन्च केले आहे. Apple चे सीईओ टीम कुक यांनी आज (मंगळवारी) भारतातील पहिले वांद्रे कुर्ला कॉम्प्लेक्स (BKC) येथे भारतातील पहिले Apple रिटेल स्टोअरचे उद्घाटन केले. आज टीम कूक apple च्या दुसऱ्या स्टोअरचे दिल्लीमध्ये उदघाटन करणार आहेत.

First published on: 20-04-2023 at 10:41 IST

Apple चे CEO टीम कूक यांनी घेतली पंतप्रधान नरेंद्र मोदींची भेट; ट्विटरवर पोस्ट शेअर करत म्हणाले…

Apple सीईओ टीम कूक सध्या भारत दौऱ्यावर आहेत.