scorecardresearch

UPI पिन कसा बदलायचा? जाणून घ्या सर्वात सोपा मार्ग

गुगल पे आणि पेटीएमद्वारे UPI पिन कसा बदलायचा ते जाणून घेऊया.

How to change UPI PIN? Learn the easiest way
UPI पिन कसा बदलायचा?( फोटो: Financial Express)

आजच्या वाढत्या तंत्रज्ञानाच्या युगात, अनेक अशक्य गोष्टी शक्य झाल्यात. आज आपण घर बसल्या लांबच्या आपल्या नातेवाईकाला पैसे पोहोचवू शकतो. हे सगळ साध्य झालंय ऑनलाइन पेमेंटमुळे. आधी पैशांचा व्यवहार हा खरोखरच त्रासदायक होता. पण ऑनलाइन पेमेंटचे युग सुरू झाल्यापासून मनी ट्रान्सफर, बिल पेमेंट, रिचार्ज या गोष्टी अगदी सोप्या झाल्या आहेत. UPI मुळे आपण घरबसल्या प्रत्येक गोष्ट करू लागलो. कोरोनाच्या वाढत्या संसर्गामुळे ऑनलाइन पेमेंटची क्रेझ जास्तच वाढली. फक्त फोनच्या माध्यमातून प्रत्येक दुकानातून गोष्ट खरेदी करता येऊ लागली. यामध्ये ना खुल्या पैशाचे टेन्शन ना नाणी आणि नोटा मोजण्याचा त्रास. पैसे घेणे आणि देणे सर्व काही मोबाइलच्या माध्यमातून सोपे झाले. पण ऑनलाइन पेमेंटमुळे सर्व गोष्टी साध्य होतात हे खरं आहे. मात्र, तुम्हाला माहिती आहे का की आर्थिक सुरक्षिततेच्या दृष्टीने तुम्ही तुमचा UPI पिन वेळोवेळी बदलत राहायला हवा? सुरक्षितता आणि सुरक्षिततेच्या दृष्टिकोनातून हे खूप महत्त्वाचे आहे. तर आज आपण जाणून घेऊया तुम्ही तुमचा UPI पिन कसा बदलू शकता.

UPI म्हणजे काय?

UPI म्हणजे युनिफाइड पेमेंट्स इंटरफेस, ही एक झटपट रीअल-टाइम पेमेंट सिस्टम आहे जी खासकरून आंतर-बँक व्यवहारांसाठी NPCI म्हणजे नॅशनल पेमेंट्स कॉर्पोरेशन ऑफ इंडियाद्वारे विकसित केलेली आहे. UPI ची सर्वात चांगली गोष्ट म्हणजे ती भारतीय रिझर्व्ह बँक म्हणजेच RBI द्वारे नियंत्रित केली जाते आणि या कारणास्तव ते पूर्णपणे सुरक्षित आणि विश्वासार्ह मानले जाते. कोणत्याही प्लॅटफॉर्म UPI आयडीवरून केलेल्या व्यवहारांचे संपूर्ण खाते NPCI कडेच राहते. UPI च्या फायद्यांबद्दल बोलायचे झाले तर व्यवहार हा एक लाखचा असो किंवा फक्त १ रुपयाचा, UPI वर सर्व प्रकारचे व्यवहार आणि पेमेंट क्षणार्धात केले जातात. UPI खाते थेट वापरकर्त्याच्या बँक खात्याशी जोडलेले असते आणि त्याद्वारे पेमेंट करताना OTP ची आवश्यकता नसते. UPI पिन टाकूनच व्यवहार पूर्ण होतो. या पेमेंट इंटरफेसचा मोठा फायदा म्हणजे तुम्ही कोणत्याही बँकेचे किंवा अॅपचे UPI खाते वापरत असलात तरीही, UPI व्यवहारादरम्यान, सर्व QR कोड एकाच प्लॅटफॉर्मवर व्यवहार पूर्ण करतात.

( हे ही वाचा: तुम्हाला तुमचा BSNL नंबर आठवत नाहीये? जाणून घ्या तपासण्याचा सोपा मार्ग)

  • UPI चे फायदे
  • २४×७ सेवा सक्रिय
  • मनी ट्रान्सफर (पाठवा आणि प्राप्त करा)
  • बिल पेमेंट (ओपन गेटवे)
  • OTP ची आवश्यकता नाही
  • व्यवहारांसाठी बँक खात्याचे तपशील आवश्यक नाहीत

UPI पिन कसा बदलायचा?

गुगल पे वापरून तुमचा UPI पिन बदला

  • सर्वप्रथम तुमच्या स्मार्टफोनवर Google Payॲप उघडा.
  • Google Pay ॲपमध्ये, वरच्या डाव्या बाजूला असलेल्या प्रोफाइल आयकॉनवर क्लिक करा.
  • येथे तुम्हाला पेमेंट मेथडचा पर्याय दिसेल, त्यावर क्लिक करा
  • जर तुम्ही पेमेंट पद्धतीमध्ये एकापेक्षा जास्त बँक खाती जोडली असतील, तर ज्या बँकेच्या प्लॅटफॉर्मवर तुमचा UPI आयडी ठेवला आहे त्यावर क्लिक करा.
  • त्याठिकाणी उजवीकडे वरती तीन ठिपके दिसतील, त्यावर क्लिक करा.
  • तीन डॉट्सवर क्लिक केल्यावर, एक सूची उघडेल, ज्यामध्ये UPI पिन बदला हा पर्याय दिसेल. इथे क्लिक करा.
  • तुम्हाला चेंज UPI पिन मध्ये दोन रिकाम्या जागा भरायच्या आहेत. सध्याचा UPI पिन पहिल्यामध्ये टाकावा लागेल आणि नवीन पिन दुसऱ्यामध्ये टाकावा लागेल.
  • विद्यमान UPI ​​पिन आणि नवीन UPI ​​पिन टाकल्यानंतर, तुम्हाला पुन्हा नवीन UPI ​​पिन टाकण्यास सांगितले जाईल, पुन्हा नवीन पिन टाका.
  • नवीन UPI ​​पिन सत्यापित झाल्यानंतर, खाली दिलेल्या ‘ओके’ किंवा ‘टिक’ चिन्हावर क्लिक करा.
  • तुम्ही या चिन्हावर क्लिक करताच तुमचा UPI पिन अपडेट होईल.

( हे ही वाचा: Whatsapp ची सुपर ऑफर! कोणालाही १ रुपये पाठवा आणि प्रचंड कॅशबॅक मिळवा)

पेटीएम वापरून तुमचा UPI पिन बदला

  • सर्वप्रथम ज्या फोनमध्ये तुमचे खाते लॉग-इन आहे त्या फोनमध्ये असलेले पेटीएम ॲप उघडा.
  • ॲपमध्ये असलेल्या ‘प्रोफाइल’ आयकॉनवर जा आणि ते उघडा.
  • प्रोफाइल विभागात उपस्थित असलेल्या ‘सेटिंग्ज’ पर्यायावर जा आणि त्यावर क्लिक करा.
  • सेटिंग्ज विभागात ‘पेमेंट सेटिंग्ज’ टॅब दिलेला आहे जेथे ‘सेव्ह कार्ड्स आणि बँक अकाउंट्स’चा पर्याय आहे, त्यावर क्लिक करा.
  • सेव्ह कार्ड्स आणि बँक खाती तुम्ही पेटीएमवर टाकलेल्या सर्व बँक खात्यांची आणि तुम्ही लिंक केलेल्या डेबिट आणि क्रेडिट कार्डांची यादी सापडेल.
  • तुम्हाला ज्या बँक खात्याचा UPI आयडी पिन बदलायचा आहे ते येथे निवडा.
  • खाते तपशील निवडल्यानंतर, तुम्हाला ‘नवीन UPI ​​पिन तयार करा’ पर्याय मिळेल, त्यावर क्लिक करा.
  • हा पर्याय निवडल्यानंतर, तुम्हाला बँक खात्याचे तपशील सबमिट करावे लागतील, ज्यामध्ये डेबिट कार्डचे शेवटचे ६ अंक आणि कार्डची एक्सपायरी तारीख लिहावी लागेल. तपशील प्रविष्ट केल्यानंतर ‘प्रोसीड’ बटणावर क्लिक करा.
  • प्रक्रिया केल्यानंतर, नोंदणीकृत मोबाइल नंबरवर OTP येईल, जो सबमिट करावा लागेल. आणि त्यानंतर एटीएम पिन टाकावा लागेल.
  • ATM पिन टाकल्यानंतर तुम्हाला Set Your Pin चा पर्याय मिळेल, त्यानंतर तुम्ही तुमच्या आवडीचा कोणताही UPI पिन टाकू शकता.

मराठीतील सर्व तंत्रज्ञान ( Tech ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: How to change upi pin learn the easiest way gps

ताज्या बातम्या