YouTube Premium आणि YouTube Music Premium चा वर्षभराचा पॅक भारतासह अनेक देशांमध्ये लॉन्च करण्यात आला आहे. पूर्वी यूट्यूबचे पेड सबस्क्रिप्शन एक महिना आणि तीन महिन्यांसाठी येत होते. त्यात आता वर्षभराच्या योजनेची भर पडली आहे. यूट्युब प्रिमिअम आणि यूट्युब म्युझिक प्रिमिअम योजना भारत आणि अमेरिकेसह इतर अनेक देशांतील वापरकर्त्यांसाठी उपलब्ध करून देण्यात आली आहे. यूट्यूब सध्या वार्षिक योजनेवर सवलत देत आहे.
9to5Google च्या अहवालानुसार, यूट्युब प्रिमिअम आणि यूट्युब म्युझिक प्रिमिअमच्या वार्षिक योजना वापरकर्त्यांसाठी उपलब्ध करून देण्यात आल्या आहेत. तथापि, या योजना केवळ वैयक्तिक वापरकर्त्यांसाठी आणल्या गेल्या आहेत. म्हणजेच, विद्यार्थी आणि कुटुंबातील सदस्य असलेले वापरकर्ते खात्यातील वार्षिक योजना वापरू शकणार नाहीत. आम्ही तुम्हाला सांगतो की यूट्युब प्रिमिअम आणि यूट्यूब म्युझिक प्रिमिअम भारतात २०१९ मध्ये लॉन्च करण्यात आले होते. यूट्युब जाहिरातमुक्त सेवा देतात. यूट्युब एक प्रमोशनल ऑफर चालवत आहे ज्या अंतर्गत ग्राहक २३ जानेवारीपर्यंत सवलतीसह वार्षिक योजना खरेदी करू शकतील. ऑफर अंतर्गत, ग्राहकांना यूट्युब प्रिमिअम १,१५९ रुपयांचा वार्षिक प्लान आणि यूट्यूबचा म्युझिक प्रिमिअमचा वार्षिक प्लान सवलतीसह ८८९ रुपयांना मिळेल.
WhatsApp घेऊन येत आहे जबरदस्त फीचर्स; फोटो आणि व्हिडीओ एडिट करणं होणार सोपं
ऑफर संपल्यानंतर लोकांना या योजनांसाठी किती खर्च करावा लागेल हे सध्या स्पष्ट नाही. यूट्युबने एका सपोर्ट पेजवर सांगितले आहे की, या योजना सध्या भारत, ब्राझील, कॅनडा, जर्मनी, जपान, रशिया, थायलंड, तुर्की आणि यूएस सारख्या देशांमध्ये उपलब्ध आहेत. अँड्रॉइड आणि वेब वापरकर्ते युट्यूब प्रिमिअम वार्षिक योजनेसाठी साइन अप करू शकतात. तथापि, कंपनीने अद्याप आयओएस उपकरणांसाठी इन-अॅप साइन-अप पर्याय प्रदान केलेला नाही.
