Zebronics ने भारतात पहिला 4K स्मार्ट टीव्ही लॉंच केला आहे. भारतीय कंपनीकडे आधीच फुलएचडी आणि एचडी टीव्ही आहेत. कंपनीने नवीन Zebronics ZEB-55W2 4K स्क्रीनसह देशात उपलब्ध करून दिले आहे. Zebronics देशात ऑडिओ, कॉम्प्युटर पार्ट्स, अॅक्सेसरीज आणि स्मार्ट होम प्रोडक्टसाठी ओळखले जाते. तुम्हाला नवीन Zebronics Smart TV ची किंमत, फीचर्स याविषयी सर्व काही सांगणार आहोत…जाणून घ्या. Zebronics ZEB-55W2 TV Price in indiaZebronics ZEB-55W2 टीव्ही देशात ४४,९९९ रुपयांना लॉंच करण्यात आला आहे. हा टीव्ही कंपनीच्या अधिकृत वेबसाइट आणि सर्व प्रमुख रिटेल आउटलेटवरून खरेदी केला जाऊ शकतो. आणखी वाचा : Airtel ग्राहकांसाठी मोठी बातमी! केवळ १,७९९ रुपयांच्या प्लॅनमध्ये वर्षभर अनलिमिटेड कॉल आणि डेटा Zebronics ZEB-55W2 TV FeaturesZebronics च्या या नवीन ५५ इंच स्मार्ट टीव्हीमध्ये 4K व्हिडीओ रिझोल्यूशनसह डिस्प्ले आहे. स्क्रीनचा रिफ्रेश रेट ६० Hz आहे आणि तो HDR10 आणि HLG ला सपोर्ट करतो. टीव्हीमध्ये डॉल्बी ऑडिओसह २० W स्पीकर आहेत. Zebronics ZEB-55W2 मध्ये Cortex-A55 प्रोसेसर देण्यात आला आहे. या टीव्हीमध्ये १.५ GB रॅम आणि ८ GB इनबिल्ट स्टोरेज आहे. टीव्हीमध्ये पाहण्याच्या चांगल्या अनुभवासाठी याला ThinQ AI सह webOS मिळते. या टीव्हीमध्ये नेटफ्लिक्स आणि अॅमेझॉन प्राईम व्हिडीओ प्री-इंस्टॉल केलेले आहेत. आणखी वाचा : सर्वात स्वस्त स्मार्टफोन! Infinix Smart 6 HD फक्त ५,२१९ रूपयांमध्ये… कंपनीचे म्हणणे आहे की Zebronics ZEB-55W2 टीव्ही मॅजिक रिमोटसह येतो जो अंगभूत अलेक्सा व्हॉईस कंट्रोलला सपोर्ट करतो. यात एअरट माउस फीचर आहे जे स्क्रीन नेव्हिगेशन सुलभ करते. कनेक्टिव्हिटीसाठी या Zebronics स्मार्ट टीव्हीमध्ये एक HDMI ARC, दोन HDMI IN, दोन USB पोर्ट, एक इथरनेट पोर्ट, एक ऑडिओ जॅक, ड्युअल-बँड वाय-फाय आणि ब्लूटूथ यांसारखी फीचर्स आहेत.
