डोंबिवलीतील तरुणाला इन्स्टाग्रामवरची मैत्री पडली महागात, दुचाकी घेऊन कल्याणचा मित्र फरार

हेही वाचा >>>ठाणे शहर सौंदर्यीकरणाच्या कामात कुठेही तडजोड नको ; आयुक्त अभिजीत बांगर यांचे अधिकाऱ्यांना निर्देश

अनेक महिने इन्स्टाग्रामवर आपुलकीने बोलणाऱ्या मित्रानेच विश्वासघात केल्याने डोंबिवलीकर मित्र अस्वस्थ झाला आहे. दोन दिवस त्याने फरार मित्राचा शोध घेतला. त्याला इन्स्टाग्रामवरुन संपर्क साधण्याचा प्रयत्न केला. त्याने कोणताही प्रतिसाद दिला नाही. आपली ९० हजार रुपये किमतीची दुचाकी मित्राने विश्वासघात करुन चोरुन नेली म्हणून डोंबिवलीकर मित्राने टिळकनगर पोलीस ठाण्यात तक्रार केली आहे.

पोलिसांनी सांगितले, करण सागवेकर (१८, रा. शिव अमृत चाळ, सरोवर नगर, डोंबिवली पश्चिम) असे तक्रारदार तरुणाचे नाव आहे. त्याचा इन्स्टाग्रामवरील मित्र अनिकेत वाडेकर (१९) असे आरोपीचे नाव आहे. तक्रारदार करण आणि अनिकेत हे इन्स्टाग्रावरील एकमेकांचे मित्र आहेत. अनेक महिने ते एकमेकांच्या संपर्कात आहेत. दोघांनी एकमेकांचा विश्वास संपादन केला होता. मंगळवारी करण आपली दुचाकी घेऊन कार्यालयात गेला होता. यावेळी आरोपी अनिकेत याने करणला आपण प्रत्यक्ष भेटून गप्पा मारू असे बोलू लागला. करणने त्याला मंगळवारी संध्याकाळी ठाकुर्ली पूर्व रेल्वे स्थानक भागात भेटण्यासाठी बोलविले. करण त्याच्या दुचाकीने रेल्वे स्थानक भागात पोहचला. त्यावेळी करण लोकलने ठाकुर्ली येथे आला.

हेही वाचा >>>नियमित, बेकायदा इमारतींची माहिती दाखल करा; पोलिसांच्या तपास पथकाचे कल्याण-डोंबिवली पालिकेला आदेश

त्यांची भेट झाली. अनिकेतने करणला तुझी दुचाकी खूप छान आहे. रंग छान आहे असे बोलत तुुझी दुचाकी मला चालवायला दे. मी एक फेरा मारून येतो असे म्हणाला. त्याच्या बोलण्यावर विश्वास ठेऊन करणने दुचाकीचा ताबा दिला. दुचाकी घेऊन अनिकेत फेरा मारुन येईल म्हणून करण वाट पाहत राहिला. अर्धा तास झाला तरी अनिकेत दुचाकी घेऊन येत नाही म्हणून करण अस्वस्थ झाला.त्याने ठाकुर्ली रेल्वे स्थानक परिसरात जाऊन अनिकेत दुचाकीवरुन पडला आहे. त्याच्या दुचाकीला अपघात झाला म्हणून तो आला नाही की काय असे तर्क काढत फिरत राहिला. दोन तास फिरुनही अनिकेत आढळून आला नाही. तो मोबाईल, इन्स्टाग्रामवरही करणला प्रतिसाद देईनासा झाला. गोड बोलून अनिकेतने आपली फसवणूक केल्याचे लक्षात आल्यावर करणने टिळकनगर पोलीस ठाण्यात तक्रार केली आहे. पोलीस उपनिरीक्षक पी. के. निकम तपास करत आहेत.