लोकसत्ता प्रतिनिधी
ठाणे : घोडबंदर येथील वाघबीळ भागात गुरुवारी पहाटे टेम्पो चालकाचा वाहनावरील ताबा सुटल्याने टेम्पो उड्डाणपूलाच्या कठड्याला धडकला. या अपघातात चालक इम्रान खान (३५) जखमी झाला आहे. त्याच्यावर खासगी रुग्णालयात उपचार सुरू असल्याची माहिती ठाणे महापालिकेच्या आपत्ती व्यवस्थापन विभागाने दिली.
आणखी वाचा-ठाणे: ऑलिम्पिक दर्जाचा तरण तलाव लोकार्पणानंतरही बंदच
तामिळनाडू येथून टेम्पो चालक गुजरातच्या दिशेने वाहतुक करत होता. हा टेम्पो पहाटे ४.३० वाजताच्या सुमारास वाघबीळ उड्डाणपूलाजवळ आला असता चालक इम्रानचा टेम्पोवरील ताबा सुटला. त्यामुळे टेम्पो उड्डाणपूलाच्या कठड्याला धडकला. यात त्याच्या पायाला दुखापत झाली. त्याला उपचारासाठी रुग्णालयात दाखल करण्यात आले आहे. आपत्ती व्यवस्थापन विभाग, पोलिसांनी क्रेनच्या साहाय्याने येथील टेम्पो रस्त्यावरून बाजूला केला.
