scorecardresearch

Premium

कल्याणमध्ये आंबिवली रेल्वे स्थानकात मद्यधुंद फेरीवाल्याची पोलिसाला मारहाण

कल्याणमध्ये आंबिवली रेल्वे स्थानकात दारूच्या नशेत असलेल्या एका फेरीवाल्याने एका रेल्वे पोलिसाला बेदम मारहाण केली.

आरोपी गौतम कांबळेसह कल्याण लोहमार्ग पोलीस
आरोपी गौतम कांबळेसह कल्याण लोहमार्ग पोलीस

कल्याणमध्ये आंबिवली रेल्वे स्थानकात दारूच्या नशेत असलेल्या एका फेरीवाल्याने एका रेल्वे पोलिसाला बेदम मारहाण केली. याप्रकरणी कल्याण लोहमार्ग पोलीस ठाण्यात गुन्हा दाखल करण्यात आला आहे. गौतम कांबळे असे फेरीवाल्याचे नाव आहे. तो ठाणे ते कल्याण दरम्यान लोकलमध्ये फेरीवाला म्हणून व्यवसाय करतो.

मंगळवारी (२९ मार्च) रात्री गौतम कांबळे आंबिवली रेल्वे स्थानकात महिलांच्या डब्याजवळ उभे राहून शिवीगाळ करत उभा होता. गौतम दारू प्यायला असल्याने त्याच्याकडून महिलांची छेडछाड होण्याची शक्यता होती. त्यामुळे रेल्वे स्थानकात गस्तीवर असलेल्या रोहित जाधव या पोलीस कर्मचाऱ्याने गौतमला महिलांच्या डब्याजवळून बाजूला होण्यास सांगितले.

man arrested for molesting young woman in train
मुंबई : रेल्वेत तरूणीचा विनयभंग करणाऱ्याला अटक
10 fast local trains on Central Railway from Dadar station towards Kalyan as per new schedule
मध्य रेल्वेवर दहा जलद लोकल, नव्या वेळापत्रकानुसार दादर स्थानकातून कल्याणच्या दिशेने फेऱ्या
Kapote parking lot
कल्याण पश्चिम रेल्वे स्थानकाजवळील कपोते वाहनतळ वाहनांसाठी सज्ज, प्रवाशांची मागील चार वर्षांपासूनची गैरसोय दूर
Inauguration of Palghar to Gujarat phase of Dedicated Freight Corridor Project
मालगाड्यांसाठी मार्ग सुसाट; समर्पित मालवाहू रेल्वे मार्गाचे आठवडा खेरीज उद्घाटन

आरोपीकडून पोलीस कर्मचाऱ्याला शिवीगाळ आणि मारहाण

पोलिसाच्या इशाऱ्याकडे गौतमने दुर्लक्ष केले. तसेच आरोपी गौतम पोलीस कर्मचारी जाधव यांना शिवीगाळ करू लागला. जाधव यांनी त्याला हाताला पकडून बाजूला घेतले. त्याला समजावून सांगून घरी जाण्यास सांगितले. यावेळी फेरीवाला गौतम याने हवालदार जाधव यांना शिवीगाळ करत मारहाण केली.

हेही वाचा : मुंब्रा दिवा खाडीत वाळूमाफियांकडून अधिकाऱ्यांवर जीवघेणा हल्ल्याचा प्रयत्न, प्रशासनाकडून ४ कोटींचा मुद्देमाल नष्ट

गस्तीवरील पोलिसांनी गौतम कांबळे याला कल्याण लोहमार्ग पोलीस ठाण्यात आणले. त्याच्यावर सरकारी कामात अडथळा आणला असल्याचा गुन्हा दाखल केला. त्याला अटक करण्यात आली आहे.

Latest Comment
View All Comments
Post Comment

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Alcoholic hawker beat police staff in kalyan thane fir register pbs

First published on: 30-03-2022 at 20:03 IST

आजचा ई-पेपर : ठाणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×