BJP organizing Namo Ramo Navratri festival in Dombivli grand replica of the temple will be built by the Savalaram Maharaj Sports Complex | Loksatta

डोंबिवलीत भाजपाचा नमो रमो नवरात्रोत्सव; सावळाराम महाराज क्रीडासंकुलात उभारणार मंदिरांच्या भव्य प्रतिकृती

नऊ दिवसांच्या या उत्सवात अभिनेते, कलाकार, गायक, नृत्य कलाकार हजेरी लावणार आहेत.

डोंबिवलीत भाजपाचा नमो रमो नवरात्रोत्सव; सावळाराम महाराज क्रीडासंकुलात उभारणार मंदिरांच्या भव्य प्रतिकृती
डोंबिवलीत भाजपाचा नमो रमो नवरात्रोत्सव

करोना महासाथीच्या दोन वर्षाच्या खंडानंतर डोंबिवलीत भाजपतर्फे नमो रमो नवरात्रोत्सवाचे २६ ते ५ सप्टेंबर कालावधीत आयोजन करण्यात आले आहे. डोंबिवली एमआयडीसीतील सावळाराम महाराज क्रीडासंकुलाच्या मैदानात हा उत्सव साजरा केला जाणार आहे. नऊ दिवसांच्या काळात अभिनेते, कलाकार, गायक, नृत्य कलाकार नवरात्रोत्सवात हजेरी लावणार आहेत, अशी माहिती आयोजन समितीमधील एक संयोजक दिनेश गोर यांनी दिली.

हेही वाचा- डोंबिवलीत रंगणार सांस्कृतिक रासरंग ; डॉ. श्रीकांत शिंदे फाऊंडेशनच्या माध्यमातून नवरात्रोत्सवाचे आयोजन

५० हजार फूट क्षेत्र दांडिया खेळणाऱ्यांसाठी राखीव

२० एकर क्षेत्राच्या सावळाराम महाराज क्रीडासंकुलातील ८० हजार चौरस फुटाच्या मैदानात विद्युत माळांची झकपक, कला दिग्दर्शक संजय धबडे यांनी उभारलेला आकर्षित मंडप, व्यासपीठाच्या चारही बाजुने उभारलेल्या हिंदू मंदिरांच्या भव्य कलाकृती हे या उत्सवाचे वैशिष्ट आहे. ५० हजार फूट क्षेत्र दांडिया खेळणाऱ्यांसाठी राखीव ठेवण्यात आले आहे. उत्सवासाठी येणाऱ्यांना वाहने ठेवण्यासाठी वाहनतळाची स्वतंत्र व्यवस्था करण्यात आली आहे. मुसळधार पाऊस आला तरी त्याला तोंड देईल अशी भक्कम मंडप उभारणी करण्यात आली आहे. नवरोत्रात्सात दांडिया खेळण्यासाठी येणाऱ्या तरुण, तरुणी, महिला, पुरूष यांनी ‘नमोरमो.रमजत’ याठिकाणी नोंदणी करण्याचे आवाहन नागरिकांना करण्यात आले आहे, असे संयोजक गोर यांनी सांगितले.

हेही वाचा- विश्लेषण : नवी मुंबई, ठाण्यापाठोपाठ डोंबिवलीतही? सॅटीस प्रकल्प का ठरतेय गरज आणि अडचणही?

मराठी, हिंदी, गुजराती कलाकारांचा सहभाग

गुजराती पारंपारिक गीते, लोकगीते, ध्वनीमुद्रित वाद्यावर बसविलेली दांडिया नृत्य हे या नवरात्रोत्सवाचे वैशिष्टय आहे. गरबा नृत्य कलाकार नीलेश गढवी, गायिका तृप्ती गढवी, दांडिया कलाकार नैतिक नागदा, कोशा पंड्या, अंबर देसाई, दिव्या जोशी हे नव्या दमाचे आघाडीतील कलाकार महोत्सवाला उपस्थिती लावणार आहेत. मराठी, हिंदी, गुजराती कलाकार नियमित दांडिया खेळात सहभागी होणार आहेत. यामध्ये गौरी कुलकर्णी, समृध्दी केळकर, अनघा अतुल, साक्षी गांधी, अश्विनी महांगडे, अमेय बर्वे, ज्ञानदा रामतीर्थकर, चेतन वडनेरे, शिवानी सोनार, मनीराज पवार या मराठी कलाकारांचा सहभाग आहे. महाराष्ट्रात ज्याप्रमाणे कोजागिरी साजरी केली जाते. त्याप्रमाणे त्याच पौर्णिमेला गुजरात मध्ये रमजट असते. रमजट हे नमो रमो नवरात्रोत्सवातील विशेष आकर्षण असणार आहे. ८, ९ ऑक्टोबर रोजी ‘नमो रमो रमजट’ साजरा केला जाणार आहे. संध्याकाळी सहा ते रात्री १० वाजेपर्यंत दांडिया खेळला जाणार आहे.

मंत्री रवींद्र चव्हाण यांच्या संकल्पनेतून या कार्यक्रमाची आखणी

राज्याचे सार्वजनिक बांधकाम मंत्री रवींद्र चव्हाण यांच्या संकल्पनेतून या कार्यक्रमाची आखणी करण्यात आली आहे. नमो रमो नवरात्रोत्सव आणि रमजट सोहळ्यामध्ये भाविकांना मोफत प्रवेश देण्यात येणार आहे. मोफत प्रवेशिका नमोरमो.रजमजत संकेतस्थळावर उपलब्ध आहेत. या प्रवेशिका आपल्या मोबाईलवर स्थापित करुन घेण्याचे आवाहन संयोजकांनी केले आहे.

मराठीतील सर्व ठाणे ( Thane ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
विश्लेषण : नवी मुंबई, ठाण्यापाठोपाठ डोंबिवलीतही? सॅटीस प्रकल्प का ठरतेय गरज आणि अडचणही?

संबंधित बातम्या

डोंबिवलीत डॉक्टरची वैद्यकीय व्यावसायिकाला मारहाण
डोंबिवली, कल्याण मधून फेरीवाले गायब; रस्ते, पदपथ मोकळे झाल्याने नागरिकांमध्ये समाधान
पाच हजार कातकऱ्यांची नोंद
दोन वर्षांनंतर होळीच्या बाजाराला रंग ; आकर्षक पिचकाऱ्या, रंग, कपडय़ांची रेलचेल, खरेदीसाठी गर्दी
डोंबिवलीतील विकासकाकडून खंडणी मागणारे अटकेत; आरोपींचे भाजपा नेते प्रकाश मेहता, सोमय्यांसोबत फोटो

व्हिडिओ

ताज्या बातम्या
करण जोहरचा बायोपिक येणार? ‘या’ अभिनेत्याने भूमिका साकारण्याची व्यक्त केली इच्छा
मधुमेह होण्याची सतत भीती सतावतेय ? तर आजपासूनच ‘हे’ ५ बदल करा
करोना, मेट्रो सेवा, कार्यालय स्थलांतराचा फटका; पश्चिम रेल्वेवरील प्रवाशांच्या संख्येत नऊ लाखांनी घट
विश्लेषण : रितेश-जिनीलियाच्या कंपनीची होणार चौकशी; मविआ सरकारदरम्यान लागले गैरव्यवहाराचे आरोप, नेमकं प्रकरण काय?
खळबळजनक! पिस्तुलातून गोळ्या झाडत कोयत्याने केले वार, पिंपरीत सिनेस्टाईल भर चौकात एकाचा खून