कळवा खाडीत मृतदेह आढळला; अद्याप मृतदेहाची ओळख पटलेली नाही

कळवा येथील गणपती विसर्जन घाट जवळ असलेल्या पारसिक-रेतीबंदर खाडीमध्ये एका अज्ञात पुरुषाच्या (४०) मृतदेह खाडीच्या किनाऱ्या जवळ आढळला. याची माहिती रहिवाश्यांनी कळवा पोलिस ठाण्याला दिली. माहिती मिळताच, कळवा पोलिस अधिकारी, कर्मचारी तसेच आपत्ती व्यवस्थापन कक्षाचे कर्मचारी, अग्निशमन दलाचे जवान घटनास्थळी दाखल झाले. यावेळी आपत्ती व्यवस्थापन कक्षाचे कर्मचारी आणि अग्निशमन दलाचे जवान यांच्या मदतीने खाडीतील मृतदेह बाहेर काढण्यात आला. कळवा पोलीस कर्मचारी यांच्या ताब्यात हा मृतदेह देण्यात आला आहे.या

व्यक्तीचा मृतदेह कळवा पोलीस कर्मचारी यांनी पुढील कार्यवाहीसाठी शवावाहिकेतून छत्रपती शिवाजी महाराज रुग्णालयात पाठविला आहे. पोलिसांकडून या मृतदेहाची ओळख पटविण्याचे काम सुरु आहे.