ठाणे : ठाण्यातील बांधकाम क्षेत्रातील प्रसिद्ध मे. जोशी एंटरप्रायझेसचे बांधकाम व्यवसायिक कौस्तुभ कळके आणि त्यांच्या भागीदारांविरोधात पूनर्विकास प्रकल्पामध्ये फसवणूक केल्याप्रकरणी नौपाडा पोलीस ठाण्यात आणखी दोन गुन्हे दाखल झाले आहेत. त्यामुळे कळके आणि त्याच्या भागीदारांवर दाखल गुन्ह्यांची संख्या आठ झाली आहे. खारकरआळी आणि चरई भागातील गृहसंकुलाच्या पदाधिकाऱ्यांच्या तक्रारीनंतर हे गुन्हे दाखल करण्यात आले आहे. कळके आणि त्याच्या भागिदारांनी इमारतीचा पूनर्विकास करून देतो असे सांगून फसवणूक केल्याचा नागरिकांचा आरोप आहे. मे. जोशी एंटरप्रायझेसच्या माध्यमातून कळके आणि त्याच्या भागीदारांनी ठाणे स्थानक परिसर, नौपाडा, चरई, पाचपाखाडी या जुन्या ठाण्यातील इमारतींचे पूनर्विकास प्रकल्प हाती घेतले होते. त्यामुळे आणखी काही तक्रारी पुढे येण्याची शक्यता आहे.

कौस्तुभ कळके आणि त्याच्या भागीदारांनी मे. जोशी एंटरप्रायजेस या नावाने बांधकाम कंपनी सुरू केली होती. या कंपनीच्या माध्यमातून कळके यांनी ठाणे स्थानक परिसर, नौपाडा, चरई आणि पाचपाखाडी भागातील जुन्या तसेच मोडकळीस आलेल्या अनेक इमारतींची पुनर्विकासाची कामे घेतली होती. परंतु भागीदारीमध्ये वाद निर्माण झाल्याने प्रकल्प अडचणीत आले. कौस्तुभ कळके याने दोन भागीदारांना बाहेर काढण्यासाठी बनावट कागदपत्रे तयार करून ती बँक आणि कंपनी नोंदणी कार्यालयात सादर करून फसवणूक केल्याचा आरोप कंपनीचे भागीदार सुनील लिमये यांनी केला होता. लिमये याच्या तक्रारीनंतर पोलिसांनी कौस्तुभ कळके याला अटक केली होती. त्यानंतर पूनर्विकास रखडलेल्या गृहसंकुलाच्या सभासदांनी कौस्तुभ कळके आणि त्याच्या भागीदारांविरोधात पोलीस ठाण्यात तक्रारी देण्यास सुरूवात केली. या प्रकरणांचा तपास ठाणे पोलिसांच्या आर्थिक गुन्हे अन्वेषण शाखेकडून सुरू आहे. कळके याच्यासह त्याचे भागीदार जयंती जैन, सुनील लिमये, कमिशा सिंह आणि सुंदरराज हेगडे यांच्याविरोधात गुन्हे दाखल करण्यात आले आहेत.

Pune Crime Branch, Pune Crime Branch Takes Over Kalyani Nagar Accident Case, Kalyani Nagar Accident Case, Police Inspector and Assistant Inspector Suspended, Porsche accident,
पुणे : दोन अधिकाऱ्यांना निलंबित करुन कल्याणीनगर अपघात प्रकरणाचा तपास गुन्हे शाखेकडे
Webcasting of pubs and bar Collectors proposal to implement project in Pune on pilot basis
मतदान केंद्रांप्रमाणेच मद्यालयांचे ‘वेबकास्टिंग’? प्रायोगिक तत्त्वावर पुण्यात प्रकल्प राबविण्याचा जिल्हाधिकाऱ्यांचा प्रस्ताव
Tejas Garge, Hearing,
तेजस गर्गे अटकपूर्व जामीन अर्जावर शनिवारी सुनावणी
Transaction of 25 crores land for only 11 crores case registered against three people including Avasyaka
२५ कोटींच्या जमिनीचा केवळ ११ कोटींत व्यवहार, अवसायकासह तिघांविरुद्ध गुन्हे दाखल; काय आहे प्रकरण? वाचा…
Director of Directorate of Archeology, Accused of Bribery, tejas garge, abscond, Assistant Director Not Arrested, Maternity Leave, anti corruption beurue, nashik, marathi news,
तेजस गर्गे अद्यापही फरार, लाच प्रकरणातील संशयित
Municipal Commissioner Bhushan Gagrani ordered to speed up process of auctioning seized goods of defaulters
थकबाकीदारांच्या जप्त वस्तूंच्या लिलावाच्या प्रक्रियेस वेग द्यावा, महानगरपालिका आयुक्त भूषण गगराणी यांचे आदेश
ED , investigation, Tadoba,
ईडीने सुरू केला ताडोबा प्रकल्पातील १२ कोटींच्या घोटाळ्याचा तपास
mumbai municipal corporation seizes six motor garages for non payment of property tax
मालमत्ता कर न भरणाऱ्या सहा मोटार गॅरेजवर जप्तीच मालमत्ता करवसुलीसाठी महानगरपालिकेकडून कठोर कारवाईला सुरुवात

हेही वाचा – कल्याण: पत्रीपुलावर दोन तासांपासून वाहनांच्या रांगा

हेही वाचा – ऑलिम्पिकमध्ये झळकण्यासाठी क्रीडासंकुलांची गरज, सर्वोच्च न्यायालयाचे निवृत्त न्यायमूर्ती हेमंत गोखले यांचे प्रतिपादन

आर्थिक गुन्हे अन्वेषण शाखेने काही दिवसांपूर्वीच नागरिकांना कळके आणि त्याच्या भागीदारांविरोधात तक्रारी दाखल करण्याचे आवाहन केले होते. त्यानुसार, खारकरआळी आणि चरई येथील गृहसंकुलातील पदाधिकाऱ्यांनी कळके विरोधात नौपाडा पोलीस ठाण्यात तक्रारी दाखल केल्या आहेत. पूनर्विकास करून देतो असे सांगून त्याने पूनर्विकासाची कामे हाती घेतली होती. परंतु ही कामे ठप्प आहेत. तसेच मासिक भाडेही त्याने इमारतीतील रहिवाशांना देणे बंद केले आहे. कळके आणि त्याच्या भागीदारांविरोधात आतापर्यंत फसवणुकीचे आठ गुन्हे दाखल झाले आहेत.