heavy-vehical-ban-from afternoon in thane On the occasion of Navratri immersion procession

अवजड वाहनांना दुपारी २ ते रात्री देवीच्या मिरवणूका संपेपर्यंत बंदी घातली आहे.

उद्या दुपारपासून ठाण्यात अवजड वाहतूक बंद

देवी विसर्जन मिरवणूकांमुळे बुधवारी दुपारपासून ठाणे पोलीस आयुक्तालय क्षेत्रात अवजड वाहनांना ठाणे पोलिसांनी बंदी घातली आहे. दुपारी २ ते रात्री देवी विसर्जन मिरवणूक संपेपर्यंत ही बंदी कायम असणार आहे.

हेही वाचा- दसरा मेळाव्याच्या पार्श्वभूमीवर कायदा सुव्यवस्था चोख ठेवणार – देवेंद्र फडणवीस

ठाणे ते बदलापूर आणि भिवंडी ही शहरे ठाणे पोलीस आयुक्तालय क्षेत्रात मोडतात. हजारो अवजड वाहने उरण जेएनपीटी येथून ठाणे, भिवंडी येथून गुजरात, नाशिकच्या दिशेने वाहतूक करत असतात. या अवजड वाहनांना दुपारी १२ ते ४ आणि रात्री ११ ते पहाटे ५ पर्यंत वाहतूक करण्यास परवानगी आहे. उद्या देवीच्या विसर्जन मिरवणूका असल्याने कोंडीची शक्यता व्यक्त केली जात आहे. त्यामुळे ही कोंडी टाळण्यासाठी पोलीस आयुक्त जयजीत सिंग यांनी अवजड वाहनांना दुपारी २ ते रात्री देवीच्या मिरवणूका संपेपर्यंत बंदी घातली आहे.

First published on: 04-10-2022 at 10:17 IST

TOPICSठाणे Thane नवरात्री २०२५ Navratri २०२५

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Heavy vehical ban from afternoon in thane on the occasion of navratri immersion procession dpj