खळबळजनक : डोंबिवलीतील जय मल्हार हॉटेलकडून तब्बल २३ लाख १४ हजारांची वीजचोरी

महावितरणच्या कल्याण परिमंडलात वीज चोरांविरुद्ध धडक कारवाई मोहिमेंतर्गत राहुल नगर येथील मानसी ऑर्केडमधील जय मल्हार फॅमिली रेस्टॉरंटच्या मीटरची तपासणी करण्यात आली. मीटरचे सील हाताळल्याचे व मीटरशी छेडछाड केल्याचे प्राथमिक तपासणीत आढळले. त्यामुळे हे संशयित मीटर ताब्यात घेऊन ग्राहकासमक्ष महावितरणच्या कार्यालयात चाचणी प्रयोगशाळेत अधिक तपासणी करण्यात आली. यात मीटरमध्ये अतिरिक्त सर्किट व छोटा अँटेना लावून मीटरची गती कमी केल्याचे निष्पन्न झाले. सहायक अभियंता सुरज माकोडे यांच्या फिर्यादीवरून हॉटेल चालक जितेंद्र म्हात्रे याच्या विरुद्ध वीज चोरीचा गुन्हा दाखल करण्यात आला आहे.