पोटच्या मुलीवर बलात्कार करणाऱ्या पित्याला आणि तिच्या प्रियकराला अटक

पीडित मुलगी गर्भवती होती….

(संग्रहित छायाचित्र)

मुंबईला लागून असलेल्या ठाणे जिल्ह्यात एक धक्कादायक प्रकरण समोर आले आहे. माणूसकीला हादरवून सोडणारी, नात्यांवरचा विश्वास उडवणारी ही घटना आहे. पोटच्या मुलीवर पित्याने आणि तिने ज्याच्यावर विश्वास टाकला, त्या प्रियकराने बलात्कार केला. या प्रकरणी पोलिसांनी सोमवारी सकाळी दोन्ही आरोपींना अटक केली.

पीडित मुलगी गर्भवती होती. पीडित मुलीचा पिता शाळेत शिक्षक आहे. तीन दिवसांपूर्वी ठाणे जिल्ह्यातील वाशिंद येथे पोलिसांना एक मृत भ्रूण सापडले. या प्रकरणाची चौकशी करताना, ते मृत भ्रूण पीडित मुलीचे असल्याचे समजले, अशी माहिती सहाय्यक पोलीस निरीक्षक योगेश गुरव यांनी दिली. माझ्यावर वडिलांनी आणि प्रियकराने अनेकवेळा बलात्कार केला, त्यातून मी गर्भवती राहिले असे पीडित तरुणीने पोलील चौकशीत सांगितले. पीटीआयने हे वृत्त दिले आहे.

पीडित मुलगी आणि तिचे कुटुंब आधी पनवेल येथे रहात होते. पीडित तरुणीची प्रियकराबरोबर पनवेलमध्ये असताना ओळख झाली. पुढे ओळखीचे रुपांतर प्रेमात झाले. दोघांच्या नात्याला मुलीच्या कुटुंबीयांचा विरोध होता. ते वाशिंदला रहायला गेले. पण तिथेही मुलगी तिच्या प्रियकराला भेटतच होती असे पोलिसांनी सांगितले. पीडित तरुणीच्या जबानीवरुन तिचे वडिल आणि प्रियकर दोघांना पोलिसांनी अटक करुन, बलात्काराचा गुन्हा नोंदवला आहे. तपासाचा पुढील भाग म्हणून दोन्ही आरोपींची डीएनए चाचणी करण्यात येणार आहे.

 

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व ठाणे बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Maharashtra teenaged girls father boyfriend held for raping her dmp

Next Story
स्वस्त डायलिसिससाठी पालिकेचा पुढाकार
ताज्या बातम्या