डोंबिवली: ज्येष्ठ गणित संशोधक प्रा. डॉ. सदाशिव गजानन देव यांचे शनिवारी निधन झाले. ते ८८ वर्षांचे होते. त्यांच्या पश्चात पत्नी सुषमा, एक विवाहित मुलगा, विवाहित मुलगी, सून, जावई, नात असा परिवार आहे.

डोंबिवलीतील पेंडसेनगरमध्ये डॉ. सदाशिव देव यांचा अनेक वर्षे निवास होता. डॉ. देव हे मूळचे सातारा जिल्ह्यातील क्षेत्र माहुली येथील रहिवासी. शिक्षणासाठी ते मुंबईत आले. रुपारेल महाविद्यालयातून विज्ञानाचे गणित विषयातून पदवी, पदव्युत्तर शिक्षण पूर्ण केले. मराठवाडा विद्यापीठातून त्यांनी गणितामधून विद्यावाचस्पती पदवी संपादन केली. पोस्ट डॉक्टर फेलो म्हणून ते कॅनडात अ‍ॅडमर्टन येथील अल्बर्टा विद्यापीठात अडीच वर्षे होते. तेथून परतल्यानंतर ते पुन्हा मराठवाडा विद्यापीठात कार्यरत राहिले. ४० वर्षे त्यांनी गणित विषयाचे प्राध्यापक म्हणून काम केले.

Some results still pending post graduate law students regretting
मुंबई : काही निकाल अद्यापही रखडलेले, पदव्युत्तर विधि शाखेच्या विद्यार्थ्यांना मनःस्ताप
pune university, pune city of universities
वर्धापनदिन विशेष : विद्यापीठांचे पुणे
Amit Thackeray Pune
विद्यार्थ्यांच्या प्रश्नांसाठी अमित ठाकरे यांचा पुणे विद्यापीठावर मूक मोर्चा
Hindi University Wardha
समाज माध्यमावर पोस्ट केली म्हणून परीक्षेत सहभागी होऊ दिले नाही, उच्च न्यायालय म्हणाले…

मुंबई विद्यापीठाच्या गोवा पदव्युत्तर केंद्राचे ते प्रमुख आणि संचालक होते. गणित विभागाचे प्रमुख म्हणून त्यांनी येथे काम पाहिले. भाषा, कोश विषयावर त्यांनी पुस्तके लिहिली आहेत. या विषयांशी संबंधित ८० शोधनिबंध त्यांनी प्रकाशित केले. टेक्सास, फ्लोरिडा येथील गणित, विज्ञान संस्थांमध्ये त्यांनी मानद प्राध्यापक म्हणून काम केले.

विशाखापट्टणम येथे ज्येष्ठ गणिततज्ज्ञ लक्ष्मिकांतम इन्स्टिटय़ूट ऑफ मॅथेमॅटिक्स सायन्सच्या उभारणीत डॉ. सदाशिव देव यांनी महत्त्वाचे योगदान दिले. या संस्थेचे ते दोन वर्षे संचालक होते.