दिव्यात राष्ट्रवादीच्या कार्यकर्त्यांचा भाजपामध्ये प्रवेश

या सर्वांनी भाजपा जिल्हाध्यक्ष निरंजन डावखरे आणि आमदार संजय केळकर यांच्या मार्गदर्शनाखाली जाहीर प्रवेश केला आहे. दिवा भाजपाचे मंडळ अध्यक्ष रोहिदास मुंडे ,ओबीसी अध्यक्ष रोशन भगत व इतर पदाधिकारी यांच्या पुढाकाराने हा प्रवेश सोहळा ठाणे येथे पार पडला. माजी उपमहापौर रमाकांत मढवी यांच्या प्रभागात भाजपाने महाविकास आघाडीचे कार्यकर्ते फोडल्याने हा सेनेला धक्का मानला जात आहे. भाजपाचे रोशन भगत यांनी रमाकांत मढवी यांच्या प्रभागात जनहीताची कामे करण्यास सुरुवात केल्याने त्यांना या भागातून अनेक नागरिक भाजपामध्ये प्रवेश करण्यासाठी संपर्क करत आहेत असे रोहिदास मुंडे यांनी यावेळी सांगितले.यावेळी जिल्हा संघटक सरचिटणीस विलास साठे, जिल्हा उपाध्यक्ष नरेश पवार, ठाणे शहर कार्यकारिणी सदस्य गणेश भगत, दिवा मंडळ अध्यक्ष रोहिदास मुंडे, संघटक सरचिटणीस दिलीप भोईर, ओबीसी मोर्चा अध्यक्ष रोशन भगत, व्यापारी संघटना अध्यक्ष जयदीप भोईर, राहुल साहू, अवधराज राजभर, गौरी शंकर पटवा आदी कार्यकर्ते उपस्थित होते.

दिव्यातील जनता शिवसेनेच्या व रमाकांत मढवी यांच्या कामावर नाराज आहे. दिव्यात जी भीषण पाणी टंचाई आहे ती मढवी यांच्यामुळे आहे. भाजपाच दिव्यातील पाणी प्रश्न सोडवू शकते म्हणून एक पर्याय म्हणून अनेक नागरिक भाजपामध्ये प्रवेश करत आहेत.

– रोहिदास मुंडे, अध्यक्ष दिवा शहर भाजपा