ठाणे : इन्स्टाग्राम या समाजमाध्यमावर छत्रपती शिवाजी महाराज यांच्याविषयी आक्षेपार्ह मजकूर, छायाचित्र प्रसारित होत असल्याचा धक्कादायक प्रकार समोर आला आहे. याप्रकरणी शिवसेनेच्या नंदूरबार जिल्हा संपर्क संघटक पर्णिता पोंक्षे यांनी दिलेल्या तक्रारीच्या आधारे कळवा पोलीस ठाण्यात गुन्हा दाखल करण्यात आला आहे.
This quiz is AI-generated and for edutainment purposes only.
इन्स्टाग्राम या ॲपवर तैमूर अकबर औरंगजेब या नावाने एक खाते आहे. या खात्यावर छत्रपती शिवाजी महाराज यांच्याविषयी आक्षेपार्ह मजकूर आणि छायाचित्र प्रसारित केले जात आहेत. तसेच औरंगजेबाचे उदात्तीकरण केले जात आहे. शिवसेनेच्या नंदूरबार जिल्हा संपर्क संघटक पर्णिता पोंक्षे यांना या घटनेची माहिती मिळाल्यानंतर त्यांनी कळवा पोलीस ठाण्यात याप्रकरणाची तक्रार दाखल केली आहे. या तक्रारीच्या आधारे गुन्हा दाखल करण्यात आला आहे.
