भिवंडीत जुन्या कारखान्याचे बांधकाम कोसळून चारजण जखमी

 भिवंडी निजामपूर शहर महानगरपालिका हद्दीतील पांजरा पोळ भागात  निशाण हॉटेलच्या पाठीमागे तळ अधिक एक मजला असा कारखाना आहे. ही अत्यंत जुनी इमारत असल्याने ती रिकामी करण्यात आली होती. ही इमारत सकाळी सात वाजता कोसळली. यामुळे त्याच्या बाजूला असलेल्या खोलीमध्ये एक व्यक्ती अडकली होती. त्या व्यक्तीला अग्निशमन दलाच्या जवानांनी बाहेर काढले. त्याचबरोबर या घटनेत आणखी तीन व्यक्ती जखमी झालेल्या आहेत. या तिघांवर रुग्णालयात उपचार करून त्यांना घरी सोडण्यात आले आहे. तर, एकजण गंभीर जखमी झाला असल्याने त्याला सिराज रुग्णालयात उपचारार्थ दाखल करण्यात आले आहे, अशी माहिती पालिका प्रशासनाने दिली.