scorecardresearch

Premium

“…जी कारवाई करायची आहे, ती माझ्यावर करा”, दहीहंडीच्या कार्यक्रमात राज ठाकरेंनी केलेलं विधान चर्चेत

मनसे अध्यक्ष राज ठाकरे यांनी ठाण्यात मनसेच्या दहीहंडी कार्यक्रमाला हजेरी लावली.

raj thackeray
राज ठाकरे (संग्रहित फोटो)

संपूर्ण महाराष्ट्रात आज गोकुल आष्टमीचा सण उत्साहात साजरा केला जात आहे. विविध राजकीय नेत्यांकडून ठिकठिकाणी दहीहंडीचं आयोजन केलं आहे. या दहीहंडीच्या कार्यक्रमांना विविध बॉलिवूड कलाकारांनीही हजेरी लावली. दरम्यान, महाराष्ट्र नवनिर्माण सेनेचे अध्यक्ष राज ठाकरे यांनी ठाण्यात मनसे नेते अविनाश जाधव यांच्या दहीहंडी कार्यक्रमाला हजेरी लावली. यावेळी राज ठाकरे यांनी सर्व गोविंदाना दक्षता घेऊन सण साजरा करण्याच्या सूचना दिल्या.

“दहीहंडी सणावर अनेकदा न्यायालयाकडून बंदी आणण्याचा प्रयत्न झाला, पण मी ठामपणे उभा राहिलो”, अशी आठवणही मनसे अध्यक्ष राज ठाकरे यांनी यावेळी सांगितली. गोविंदांना उद्देशून केलेल्या भाषणात राज ठाकरे म्हणाले, “सगळ्या गोष्टींची काळजी घेऊन सण साजरे करा.या सणांवर अनेकदा बंदी आणायचे प्रयत्न झाले, परंतु मी ठामपणे उभा राहिलो. न्यायालयाकडून बंदी आणण्याचे प्रयत्न झाले. तेव्हा मी सांगितलं होतं, कोणत्याही परिस्थितीत आमची दहीहंडी होणार म्हणजे होणार… न्यायालयाला जी कारवाई करायची आहे, ती माझ्यावर करावी.”

shiva mohod dilip walase patil amol mitkari
अकोल्यात पदाधिकारी निवडीच्या कार्यक्रमात वळसे-पाटलांसमोर मिटकरींचा राडा; नेमकं काय घडलं?
uddhav-thackeray-rahul-narwekar
अपात्रता सुनावणी वेळापत्रकावर ठाकरे गटाचा आक्षेप, शिंदे गटाकडून प्रतिक्रिया, म्हणाले…
rahul narvekar supreme court uddhav thackeray eknath shinde
बंडखोरांच्या अपात्रतेबाबतच्या घडामोडींना वेग, दिल्लीतील भेटीगाठीवर राहुल नार्वेकर म्हणाले…
gaur-gopal-das-piyush
गौर गोपाल दास यांना दीक्षा घेण्याआधी आवरता आला नाही ‘पीयूष’ प्यायचा मोह; जाणून घ्या ‘पीयूष’ या पेयाचा इतिहास

हेही वाचा- “एकनाथ शिंदे म्हणजे सात दिवस न झोपलेली व्यक्ती”; भाजपा आमदाराचं विधान, म्हणाले, “ते एक-दोन तासही…”

प्रत्येकवेळी आपल्या हिंदू आणि मराठी सणांवरच हे बंधणं आणत राहतील, हे माझ्याकडून सहन होणार नाही. तुमच्याकडूनही सहन होणार नाही. पण आपण आपले सगळे सण नीट आणि उत्साहात पार पाडू. कुणाला कसलाही त्रास होणार नाही, याची दक्षता आपण सर्वजण घ्याल, अशी मी आशा बाळगतो, असंही राज ठाकरे म्हणाले.

Latest Comment
View All Comments
Post Comment

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Raj thackeray on baning on dahihandi by court mns dahihandi in thane avinash jadhav rmm

First published on: 07-09-2023 at 21:02 IST

संबंधित बातम्या

मराठी कथा ×