बिहारमध्ये सध्या विधानसभा निवडणुकांचं वार जोरदार वाहत आहे. तिसऱ्या टप्प्यातल्या प्रचारसभेदरम्यान सत्ताधारी जदयू-भाजपा आणि विरोधी पक्षातील राजद यांच्यात लढत रंगणार आहे. राजदची कमान यंदा लालुप्रसाद यादव यांचे पुत्र तेजस्वी यादव यांच्याकडे असून ते मुख्यमंत्रीपदाचे उमेदवार आहेत. मतदारांना आपल्याकडे आकर्षित करण्यासाठी सर्व पक्ष वेगवेगळ्या युक्त्या शोधून काढत आहेत. भारतीय संघाचा कर्णधार विराट कोहलीने नुकताच आपला वाढदिवस साजरा केला.

या निमीत्ताने राजद पक्षाने आपल्या अधिकृत ट्विटर हँडलवर एक बातमी शेअर केली ज्यात तेजस्वी यादवांमुळे विराट कोहलीचं नशिब बदललं असं नमूद केलं आहे. या बातमीत लिहील्याप्रमाणे १६ वर्षाखालील संघाकडून खेळत असताना तेजस्वी यादवच्या नेतृत्वाखाली खेळणाऱ्या विराटचा खेळ पाहून निवड समिती प्रभावित झाली होती.

राजदचं हे ट्विट पाहून सोशल मीडियावर मात्र नेटकऱ्यांनी त्यांची चांगलीच टर उडवली आहे. पाहूयात नेटकऱ्यांनी शेअर केलेली भन्नाट मिम्स…

सध्या रॉयल चॅलेंजर्स बंगळुरुचं नेतृत्व करणारा कोहली आयपीएलचा तेरावा हंगाम संपल्यानंतर भारतीय संघासोबत ऑस्ट्रेलिया दौऱ्यावर रवाना होणार आहे.