६ वर्षाच्या मुलानं बनवलं टाईमटेबल! अभ्यासासाठी अवघे १५ मिनिटे; युजर म्हणाले, खरं आयुष्य तर हा जगतोय

एका सहा वर्षीय चिमुकल्याने सकाळी उठल्यापासून ते रात्री झोपेपर्यंत काय-काय करायचे याचे यासाठी एक टाईमटेबल तयार केले आहे, जे आता सोशल मीडियावर खूप व्हायरल होत आहे. जे वाचून तुम्हीही पोट धरून हसाल. यावर काही लोकांनी, खरं आयुष्य तर हे मुल जगत आहे, अशी मिश्किल प्रतिक्रिया दिली आहे. तर काहींनी अभ्यासासाठी १५ मिनिटे आणि आंघोळ करण्यासाठी ३० मिनिटे… व्वा! काय अभ्यास सुरु आहे, अशी प्रतिक्रिया दिली आहे.

व्हायरल होणाऱ्या टाईमटेबलमध्ये तुम्ही पाहू शकता, चिमुकल्याने अभ्यासासाठी फक्त १५ मिनिटांचा वेळ दिला आहे. तर खेळण्यासाठी १ तास, फायटिंगसाठी ३ तास, दुपारी झोपण्यासाठी २ तास १५ मिनिटे आणि पुन्हा खेळण्यासाठी २ तास १५ मिनिटे अशा वेळा ठरवल्या आहेत.

@Laiiiibaaa नावाच्या ट्विटर युजरने २२ जून रोजी ही पोस्ट शेअर केली आहे. जी आता सोशल मीडियावर खूप व्हायरल होत आहे. ज्याच्या कॅप्शनमध्ये लिहिले आहे की, हे टाईमटेबल माझ्या ६ वर्षाच्या चुलत भावाने बनवले आहे… अभ्यासासाठी फक्त १५ मिनिटे वेळ, खरं आयुष्य तर मोहिद जगत आहे. या ट्विटवर आत्तापर्यंत १७ हजारांहून अधिक लाईक्स आणि शेकडो कमेंट्स आल्या आहेत. काही युजर्सनी, फायटिंगची वेळ जरा जास्तच ठेवली नाही का? असा प्रश्न उपस्थित केला आहे. एकूणच हे टाईमटेबल लोक खूप एन्जॉय करत आहेत. पण यावर तुमची काय प्रतिक्रिया आहे? हे आम्हाला कमेंटमध्ये नक्की सांगा.