यालाच खरं प्रेम म्हणतात… चक्क बस स्थानकावर येऊन कुत्रा मालकाची वाट बघतोय, पाहा व्हिडीओ

मालक घरी येताच कुत्रा त्यांच्या अंगा खांद्यावर येतो, असे अनेक व्हिडीओ तुम्ही सोशल मीडियावर यापूर्वी पाहिले असतील पण या व्हिडीओत तुम्हाला दिसेल की कुत्रा चक्क मालकाला घरी घेऊन जायला बस स्थानकावर आला आहे. मालकाची वाट बघत तो बस स्थानकावर उभा होता. व्हिडीओमध्ये तुम्हाला दिसेल की एक बस येते. त्यातून एक एक प्रवासी खाली उतरतात. जेव्हा कुत्र्याची मालकीण खाली उतरते तेव्हा कुत्रा धावत तिच्याजवळ जातो.

हा व्हिडीओ पाहून तुम्हीही थक्क व्हाल. तुम्ही प्राण्यांवर जितकं प्रेम कराल त्यापेक्षा सुद्धा जास्त प्रेम प्राणी आपल्यावर करतात.हे या व्हिडीओतून तुम्हाला दिसून येईल. काही लोकांना कुत्र्याचं प्रेम पाहून त्यांच्या कुत्र्याची आठवण येऊ शकते.

हेही वाचा : भर दिवसा कुत्र्याने त्याच्या मैत्रीणीला नेलं पळवून; मागे मालकीण पुढे कुत्रा, पाहा गमतीशीर VIDEO

lovedog.dodo या इन्स्टाग्राम अकाउंटवरुन हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “माझा दिवस कितीही कठीण गेला असला तरी घरी आल्यावर कुत्र्याचे हलणारे शेपूट पाहून सर्वकाही चांगले होते”
या व्हिडीओवर अनेक युजर्सनी प्रतिक्रिया दिल्या आहेत.एका युजरने लिहिलेय, “ही एक वेगळी भावना असते.”तर एका युजरने लिहिलेय, “खरं खरं प्रेम” अनेक युजर्सनी या व्हिडीओवर हार्टचे इमोजी शेअर केले आहेत.