Viral Video : नातू असावा तर असा! आजीला पॅरिस फिरायला घेऊन आला; व्हिडीओ पाहून तुमच्याही डोळ्यांत पाणी येईल... | a grandson who takes his grandmother to paris trip video goes viral on social media

Viral Video : आनंद पाहून नेटकरी भावुक झाले. नेटकरी म्हणतात की, ज्यांनी घडवलं त्यांना सुखाचे क्षण देण्यातच खरं यश आहे आणि या नातवाने ते करून दाखवलं.

a grandson who takes his grandmother to paris trip video goes viral

आजीला पॅरिस फिरायला घेऊन आला; व्हिडीओ पाहून तुमच्याही डोळ्यांत पाणी येईल.. ( photo by - drusamayt Instagram Account )

मुलांना घडविण्यात आई-वडील आणि आजी-आजोबांचा सिंहांचा वाटा असतो. आपल्या मुलांना किंवा नातवंडाना चांगलं आयुष्य मिळावं म्हणून ते आयुष्यभर झटत असतात, कष्ट करत असतात.
जेव्हा ही मुले आयुष्यात यशस्वी होतात, आपल्या पायावर उभी राहतात तेव्हा या मुलांचं कर्तव्य असतं की त्यांनी त्यांच्या आई-वडिलांना किंवा आजी-आजोबांना त्या सर्व सुखसोयी आणि आनंद द्यावा पण सध्या धावपळीच्या आणि धकाधकीच्या आयुष्यात हे खूप कमी पाहायला मिळतं; मात्र सध्या सोशल मीडियावर व्हायरल होत असलेल्या व्हिडीओने अनेकांची मने जिंकली आहे.
या व्हिडीओत तुम्हाला दिसेल की एक नातू आपल्या आजीला पॅरिसला फिरायला घेऊन आलाय. सध्या हा व्हिडीओ सोशल मीडियावर प्रचंड व्हायरल होत आहे.

हेही वाचा : हेही वाचा – पुणेकरांनो रस्त्याच्या कडेला गाडी थांबवताय? हा भयानक अपघाताचा CCTV Video पाहून व्हाल थक्क

ब्रिटनमध्ये काम करणाऱ्या पाकिस्तानच्या डॉ. उसामा अहमद (Dr Usama Ahmed) या एका डेंटिस्ट तरुणाने आपल्या आजीला पॅरिस दाखवायला आणले. या व्हिडीओत उसामा आपल्या आजीसोबत पॅरिसमध्ये फिरताना दिसत आहे. हा व्हिडीओ शेअर करताना उसामाने लिहिलंय, ‘आजीला तिच्या आयुष्यातील सुंदर क्षण देताना…’
उसामा आजीला घेऊन फ्रान्सला आला आणि त्याने पॅरिस शहर दाखवले. आजीसाठी हा खूप सुंदर आणि नवा अनुभव होता. व्हिडीओत आजी खूप आनंदी दिसतेय आणि हे सुंदर क्षण जगताना दिसत आहे.

View this post on Instagram

A post shared by Dr Usama Ahmed (@drusamayt)

हेही वाचा : 2000 Rupee Note: पेट्रोल पंपावरील कर्मचाऱ्याचा 2000 रु. ची नोट घेण्यास नकार; ग्राहकाच्या गाडीत भरलेले पेट्रोल घेतले काढून

व्हिडीओमध्ये तुम्हाला दिसेल की आजी खिडकीतून पॅरिसचे रस्ते बघतेय. त्यानंतर उसामा आजीला बाहेर फिरायला घेऊन जातोय आणि आजीला उंच
टाचेची सॅण्डल खरेदी करून देतो. आजी-नातू पॅरिस भ्रमंतीचा आनंद लुटताना दिसतात. एवढंच काय तर एका फोटोमध्ये उसामा आपल्या आजीसोबत अभिनेता शाहरुख खानच्या सिग्नेचर स्टेपमध्ये हात लांब करून पोज देताना दिसतोय.

सध्या हा व्हिडीओ सोशल मीडियावर खूप व्हायरल होत असून नेटकरी हा व्हिडीओ अनेकांना शेअरसुद्धा करत आहे. व्हिडीओला लाखो व्ह्यूज मिळाले असून नेटकऱ्यांनी उसामाचे कौतुक करत कमेंट्सचा पाऊस पाडलाय

नातू असावा तर असा! आजीला पॅरिस फिरायला घेऊन आला; व्हिडीओ पाहून तुमच्याही डोळ्यांत पाणी येईल…