Viral Video : सोशल मीडियावर जवानांचे अनेक व्हिडीओ व्हायरल होत आहेत. काही व्हिडीओ जुने आहेत जे पुन्हा व्हायरल होत आहे तर काही व्हिडीओ आता नव्याने व्हायरल होत आहे. सध्या असाच एक व्हिडीओ समोर आला आहे. या व्हिडीओमध्ये एक जवान नवरीजवळ रडताना दिसत आहे. कदाचित हा नवरदेवाचा भाऊ असेल, जो कर्तव्य बजावण्यासाठी जात आहे, असे या व्हिडीओतून दिसून येत आहे. नवरीसुद्धा जवान असलेल्या भावाजवळ ढसा ढसा रडताना दिसत आहे.
हा व्हायरल व्हिडीओ एका लग्नातील आहे. तुम्हाला एक दिसेल की नवरी जवानाजवळ ढसाढसा रडताना दिसत आहे. तिला रडताना पाहून जवान सुद्धा भावुक होतो. काही कुटुंबातील लोक सुद्धा तिला रडू नको म्हणून तिच्या जवळ समजून सांगण्यास येतात पण तिच्या डोळ्यातील अश्रु थांबत नाही. शेवटी जवान जागेवरून उठतो आणि तिच्या पाया पडतो. सध्या हा व्हिडीओ चांगलाच व्हायरल होत आहे.
या व्हायरल व्हिडीओमध्ये दावा केल्याप्रमाणे हा जवान या नवरीचा भाऊ आहे जो कर्तव्य बजावण्यासाठी जात आहे. हे पाहून नवरी बहीण भावुक होते.
पाहा व्हायरल व्हिडीओ (Watch Viral Video)
unique_janni__ या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “प्रत्येक भावाला वाटते की आपल्या बहिणीला सासरी जाताना निरोप द्यावा पण देशासाठी जावं लागतं” तर एका युजरने लिहिलेय, “ही असते आमच्या जवान भावांचे आयुष्य” आणखी एका युजरने लिहिलेय, “या भावाला काय वाटत असेल, याला पाहून मला खूप दु:ख होत आहे. या बहिणीच्या भावाची देव रक्षा करशील” एक युजर लिहितो, “जवानाचे आयुष्य असेच असते” तर एक युजर लिहितो, “खूप कठीण क्षण आहे.. बघून डोळ्यात पाणी आले” आणखी एक युजर लिहितो, “माझे लग्न झाले. माझा भाऊ आर्मीत आहे. त्याला सुट्टी मिळाली नाही.” अनेक युजर्सने त्यांचे अनुभव सांगितले आहे. काही युजर्सने या व्हिडीओवर हार्टचे इमोजी शेअर केले आहेत. हा व्हिडीओ एक लाखांहून अधिक लोकांनी बघितला आहे.
