Viral Video : सोशल मीडियावर कधी काय व्हायरल होईल, सांगता येत नाही. दर दिवशी अनेक प्रकारचे व्हिडीओ व्हायरल होतात. काही व्हिडीओ पाहून अनेकांना त्यांचे जुने दिवस आठवतात तर काही लोकांना शाळा कॉलेजातील किस्से आठवतात. सोशल मीडियावरील काही व्हिडीओ पाहून पोट धरून हसायला येते तर काही व्हिडीओ पाहून अनेक जण भावुक होतात.
सध्या असाच एक व्हिडीओ समोर आला आहे या व्हिडीओमध्ये तुम्हाला दिसेल की शाळेत न जाता घरी टिव्ही बघणाऱ्या मुलाच्या घरी अचानक त्याचे शाळेतील शिक्षक येतात आणि पुढे जे काही घडते ते पाहून तुम्हालाही हसू आवरणार नाही. काही लोकांना हा व्हिडीओ पाहून त्यांच्या शालेय जीवनातील गमती जमती आठवतील. सध्या हा व्हिडीओ चांगलाच व्हायरल होत आहे. (A student Missed school for two days and watching tv at home)
काय होत आहे व्हायरल?
या व्हायरल व्हिडीओमध्ये तुम्हाला एक मुलगा घरी बेडवर आराम करत टिव्ही बघताना दिसेल. तितक्यात व्हिडीओ रेकॉर्ड करत त्याचे शिक्षक त्याच्या समोर येतात. या दरम्यान व्हिडीओमध्ये एका महिलेचा सुद्धा आवाज येतो आणि ती म्हणते, “तो शाळेच्या गेटवरून परत आला” त्यानंतर या मुलाचे शिक्षक त्याला दोन दिवस शाळेत न येण्याचे कारण विचारतात. मुलगा हळू आवाजात कारण सांगतो. त्यानंतर शिक्षक त्याला लगेच शाळेत जाण्यासाठी तयार होण्यास सांगतात. हा व्हिडीओ पाहून तुम्हालाही हसू आवरणार नाही. व्हिडीओ नेमका कुठला आहे, याविषयी अद्याप माहिती समोर आलेली नाही.
पाहा व्हायरल व्हिडीओ (Watch Viral Video)
Ghar Ke Kalesh या एक्स अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, ” दोन दिवस शाळेत न गेल्याने शिक्षकाने विद्यार्थ्याच्या घरी घेतली धाव”
या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “प्रत्येक विद्यार्थ्याच्या शिक्षणासाठी शिक्षक इतके जाणीवपूर्वक प्रयत्न करतात, हे पाहून बरे वाटले. आजकाल, हे असे दिसून येत नाही. अनेक जण शाळेला व्यवसाय समजतात.” तर एका युजरने लिहिलेय, ” खूप जबाबदार शिक्षक भेटला या विद्यार्थ्याला” आणखी एका युजरने लिहिलेय, “असे शिक्षक भेटले, नशीबवान आहे हा मुलगा” एक युजर लिहितो, “अशा शिक्षकांची आपल्या देशाला खूप जास्त गरज आहे.” तर एक युजर लिहितो, “माझ्या बरोबर सुद्धा एकदा असेच घडले होते” अनेक युजर्सनी हा व्हिडीओ पाहून शिक्षकावर कौतुकाचा वर्षाव केला आहे.
