Viral Video : सध्या लग्नसराई सुरू आहे. सोशल मीडियावर लग्नाचे अनेक व्हिडीओ व्हायरल होत आहेत. कोणी डान्स करताना दिसतात तर कोणी गाणी म्हणताना दिसतात. कोणी उखाणे घेताना दिसतात. लग्नातील अनेक गमती जमतीचे व्हिडीओ सध्या सोशल मीडियावर चांगलेच व्हायरल होत आहे. सध्या असाच एक व्हिडीओ समोर आला आहे. या व्हिडीओमध्ये एक आजी तिच्या नातीच्या लग्नात तुफान डान्स करताना दिसत आहे. आजीचा डान्स पाहून तुम्हीही थक्क व्हाल. काही लोकांना या आजीचा डान्स पाहून त्यांच्या आज्जीची आठवण येईल. (an old lady amazing dance in grand daughters wedding video goes viral on social media)
नातीच्या लग्नात आज्जीने केला भन्नाट डान्स
हा व्हायरल व्हिडीओ एका लग्नातील आहे. या व्हिडीओमध्ये स्टेजवर एक आज्जी एका जोडप्यासह डान्स करत आहे. आजीचा हा डान्स पाहून कोणीही थक्क होईल. आजीच्या प्रत्येक डान्स स्टेप्स पाहून तुम्हीही आजीचे चाहते व्हाल. या जोडप्याबरोबर आजी मनसोक्त डान्स करताना दिसत आहे. आजीच्या चेहऱ्यावरचा आनंद पाहून नवरदेव आणि नवरीसुद्धा आनंदी दिसत आहे. आजीची ऊर्जा आणि डान्स करण्याची आवड थक्क करणारी आहे. या व्हिडीओवर लिहिलेय, “नातीच्या लग्नाचा आनंद”
पाहा व्हायरल व्हिडीओ (Watch Viral Video)
chaitu.2608 या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “हौसेला मोल नाही तस हौसे ला वय नाही..” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “आजींना उत्तम आरोग्य आणि दीर्घायुष्य लाभो हीच स्वामींचरणी प्रार्थना.” तर एका युजरने लिहिलेय, “आजीची नात खूप नशीबवान आहे” आणखी एका युजरने लिहिलेय, “कुटुंब फक्त असूनही उपयोग नाही. खऱ्या मनाने एकत्र येऊन आपल्या घरच्या कार्यक्रमात मनाने एकत्र येऊन कार्यक्रमाची हौस वाढविणे हा औरच आनंद आहे” आणखी एका युजरने लिहिलेय, “आजीची नात खूप नशिबवान आहे” अनेक युजर्सनी आजीवर कौतुकाचा वर्षाव केला आहे. काही युजर्सनी हार्टचे इमोजी शेअर केले आहेत.
