”इस बंदे मै है कुछ बात… ये बंदा लई जोरात, बाळासाहेब थोरात…”

अवधूतने गायलेल्या या प्रचारगीतात बाळासाहेब थोरात यांचा मतदारसंघ असलेल्या संगमनेरच्या विकासासह त्यांनी पक्षाच्या माध्यामातून केलेली कामगिरी दाखवण्यात आली आहे. शिवाय त्यांच्या जनसंपर्काबाबतही बोलले गेले आहे.

”एका बाजूला नाशिक-शिर्डी, एका बाजूला पुणे-नगर.. जणू पाचूच्या कोंदणामंदी, कोणी हिरा जडावा सुंदर…एक गाव आहे टपोरं , त्याचं नाव.. संगमनेर…” असं संगमेनरच वर्णन करत या प्रचारगीताची सुरूवात करण्यात आलेली आहे. तर याच्यापुढे ”संगमनेरच्या विकासामागे कारण आहे जो ‘हात’… संगमनेरची जनताच म्हणते इस बंदे मे है कुछ बात…ये बंदा लई जोरात… बाळासाहेब थोरात….” असं म्हणत काँग्रेसचे प्रदेशाध्यक्ष बाळासाहेब थोरात यांची स्तुती करण्यात आली आहे.

हे प्रचारगीत अवधुत गुप्ते यांनी स्वतः लिहिलं, बसवलं व गायलं देखील आहे. बाळासाहेब थोरात यांच्याविरोधात शिवसेनेने साहेबराव नवले यांना उमदेवारी दिली आहे. अवधूत गुप्ते यांनी महायुतीतील दोन्ही पक्षांसोबतच आघाडीसाठीही प्रचारगीत गायलं आहे. सत्ताधारी आणि विरोधकांसाठी गाणं गाताना फरक असावा लागतो, असं भाजपच्या प्रचारगीताच्या अनावरणावेळी गुप्ते म्हणाले होते.