दिल्ली मेट्रो सतत काही ना काही कारणाने चर्चेत येत असते. सोशल मीडियावरल दिल्ली मेट्रोतील अश्लील आणि विचित्र व्हिडीओ व्हायरल होत असतात. दरम्यान आता असा व्हिडीओ समोर आला ज्यामध्ये दिल्ली मेट्रोची सकारात्मक बाजू समोर आली आहे. एका ट्रॅव्हल व्लॉग बनवणाऱ्या एका आयरिश(परदेशी ) जोडप्याने अलीकडेच दिल्ली मेट्रोने प्रवास केला. त्यांचे रिव्ह्यू इंस्टाग्रामवर शेअर केले. त्यांना दिल्ली मेट्रोचा प्रवास प्रचंड आवडला आहे. दिल्ली मेट्रोतील प्रवासाचे त्यांनी कौतूक केले आहे. आता व्हायरल झालेल्या व्हिडिओमध्ये हे जोडप्याने दिल्ली मेट्रोमधील सुविधांबद्दलचे गैरसमज दूर केले आहेत. Isabelle Geraghty आणि Colin Finnerty यांनी दिल्ली मेट्रोला ‘सर्वोत्तम मेट्रो’ असे म्हटले आहे. बॅगेज स्कॅनिंगच्या ठिकाणी रील सुरू झाली. देखभाल दुरुस्तीच्या कामामुळे तिकीट खिडकी बंद होती, परंतु जोडप्याने इलेक्ट्रॉनिक तिकीट मशीन वापरली आणि तिकीटाची किंमत ३० रुपये शेअर केली. "माझ्या आयुष्यात मी मेट्रो स्टेशनमध्ये एवढी शांतता पाहिली नाही,"असे गेराघटी म्हणाला. वातानुकूलित डब्यांपासून ते चार्जिंग सॉकेट्स ते वृद्ध आणि महिला प्रवाशांसाठी विशेष आसनांपर्यंत, या दोघांनी दिल्ली मेट्रोमधील अनेक सुविधांवर प्रकाश टाकला. व्हिडिओच्या शेवटी, तिच्या लक्षात आले की, “रील्स बनवू नका” असे बोर्डही लिहिलेला आहे. हेही वाचा -‘कोणालाही नियमाची पर्वा नाही’, ब्रह्मपुत्रा एक्स्प्रेसमध्ये तिकिट नसलेल्यांची गर्दी, नाराज प्रवाशांनी शेअर केला Video https://www.instagram.com/reel/C6YgtIzPxcs/?utm_source=ig_embed&utm_campaign=loading व्हिडिओ शेअर करताना जोडप्याने लिहिले की, “ परदेशी लोकांना दिल्लीबद्दलच्या अनेक गैरसमज असतात, तसेच कोणत्याही देशात पर्यटक म्हणून सर्वसाधारणपणे महानगरे ही सावधगिरी बाळगण्याची ठिकाणे आहेत, आम्ही भारतात मेट्रोने प्रवास करणे ही चांगली कल्पना आहे की नाही याबाबत आम्ही साशंक होतो. हेही वाचा - लुंगी परिधान करून लंडनच्या रस्त्यांवर फिरतेय ही तरुणी; वळून वळून पाहातायेत लोक, पाहा मजेशीर Video “आम्हाला इथे जे सापडले ते पाहून आम्हा दोघांनाही धक्का बसला हे वेगळे सांगण्याची गरज नाही. दिल्ली मेट्रो ही आम्ही आजूबाजूच्या कोणत्याही शहरात पाहिलेली सर्वात जलद, सुरक्षित आणि स्वच्छ मेट्रो आहे. ते किती स्वस्त आहे हे सांगायला नको,” त्यांच्या मथळ्यात म्हटले आहे. व्हिडिओला प्लॅटफॉर्मवर २,४०,००० पेक्षा जास्त व्ह्यूज मिळाले आणि दिल्ली मेट्रोमध्ये वेगवेगळे अनुभव घेतलेल्या सहकारी व्लॉगर्सच्या असंख्य प्रतिक्रिया. त्यावर प्रतिक्रिया देताना, एका वापरकर्त्याने लिहिले, “ठीक आहे, मला खूप आश्चर्य वाटले! मला लोकांच्या गर्दीची आणि प्रचंड गोंधळाची अपेक्षा होती! मला विशेषतः बायकांसाठी मेट्रो खूप आवडली! मी नक्की दिल्ली मेट्रोने प्रवास करेल!!” दुसऱ्या युजरने लिहिले की, “जेव्हा मी त्यावर गेलो तेव्हा ते शांत नव्हते. संपूर्ण गोंधळ होता!"
