VIDEO: सुसाट गाड्यांमध्ये उलट्या दिशेने आला अन् एका मागोमाग अपघातांचा थरार; मदत करायची सोडून केलं असं काही…

एकामागोमाग अपघातांचा थरार

या व्हिडीओमध्ये चुकी दोन्ही बाजूने असल्याचे समोर आले आहे, ज्यामध्ये वाहनचालकांना वेग आणि समोरील वाहनचालकाचा हलगर्जीपणा कारणीभूत ठरला आहे. या व्हिडीओमध्ये तुम्ही पाहू शकता, सरळ ब्रीज आहे. या ब्रिजवरून अनेक गाड्या वेगात धावत आहेत. यावेळी एकमार्गी रस्त्यात अचानक एक सायकलस्वार उलट्या दिशेने येतो आणि वेगात असणाऱ्या बाईकचं अचानक समोर सायकल आल्यानं नियंत्रण बिघडतं. मात्र, तरीही हा बाईकचालक कसाबसा स्वत:ला सावरतो. दरम्यान, भरधाव वेगात मागून येणारा बाईकचालक मात्र या सायकलस्वारामुळे पडतो आणि फरफटत जातो. यानंतर तर हा सायकलस्वार हद्दच करतो, आपल्यामुळे अपघात झाला हे माहिती असूनही तो तिथून त्याला उचलायचं सोडून पळ काढतो.

हा व्हिडीओ पाहून तुम्हालाही संताप येईल. चुकीच्या दिशेने येऊन इतरांची सुरक्षा धोक्यात घालून ही व्यक्ती तिथून पसारही झाली. नेटकरीही व्हिडीओ पाहून संतापले आहेत.

पाहा व्हिडीओ

हेही वाचा >> VIDEO: “म्हणून कुणालाच कमी समजू नका” गरुडानं नजर टाकताच हरणानं थेट डाव टाकला; शेवटी कोण पडलं कुणावर भारी?

सोशल मीडियावर दररोज अपघातांशी संबंधित व्हिडीओ शेअर केले जातात, ज्यातील काही व्हिडीओ पाहिल्यानंतर सर्वांनाच धक्का बसतो. हे अपघात टाळण्यासाठी एकच उपाय आहे, तुम्ही सदैव सावध राहा. @gharkekalesh नावाच्या ट्विटर अकाउंटवरून हा व्हि़डीओ पोस्ट करण्यात आला असून, या व्हिडीओला लोक वारंवार पहात आहेत. तसेच हा व्हिडीओ सोशल मीडियावर जोरदार व्हायरल झाला आहे.