Viral Video: या जगात जन्माला आलेल्या प्रत्येक व्यक्तीचं आयुष्य सारखं नसतं. काही जण संपूर्ण आयुष्य श्रीमंतीत जगतात, तर काहींना दोन वेळचे अन्न कमावण्यासाठीही खूप मेहनत घ्यावी लागते. आजपर्यंत तुम्ही सोशल मीडियावर अनेक प्रकारचे व्हिडीओ व्हायरल झालेले पाहिले असतील, ज्यातील काही व्हिडीओतील दृश्य आपल्या मनाला स्पर्शून जातात. असे व्हिडीओ सोशल मीडियावर क्षणार्धात लाखो व्ह्युज आणि लाइक्सही मिळवतात. सध्या असाच एक व्हिडीओ खूप व्हायरल होतोय, जो पाहून तुमच्याही डोळ्यात पाणी येईल.
मुलगा वयात आला की त्याच्या खांद्यावर कुटुंबाची जबाबदारीही येते. कुटुंबाची जबाबदारी माणसाला अनेकदा स्वतःला विसरून कठीण प्रसंगांना सामोरे जायला भाग पाडते. श्रीमंत घरातील तरुणांसाठी ही फार मोठी गोष्ट नसली तरीही अनेक मध्यमवर्गीय आणि गरीब कुटुंबातील मुलांना अनेकदा अनेक गोष्टी करायला भाग पाडते. आता व्हायरल होत असलेल्या व्हिडीओतही असंच काहीसं पाहायला मिळत आहे.
हा व्हायरल व्हिडीओ एका समारंभातील असून या समारंभामध्ये काही वाजंत्री बोलावण्यात आली होती. यावेळी तोंडाने फ्रेंच हॉर्न वाजवणाऱ्या एका तरुणाने सर्वांचे लक्ष वेधून घेतले, कारण यावेळी हे वाद्य वाजवता वाजवता तरुणाच्या तोंडातून अक्षरशः रक्त वाहत होते. परंतु, तरीही तो अजिबात थांबला नाही. त्याच्या या कृत्यातून जबाबदारी दुःखापेक्षा किती मोठी असू शकते हे पाहायला मिळत आहे. सध्या त्याचा हा व्हिडीओ सोशल मीडियावर खूप व्हायरल होत आहे.
पाहा व्हिडीओ:
हा व्हिडीओ इन्स्टाग्रामवरील @berojgar_huu या अकाउंटवर शेअर करण्यात आला असून याला आतापर्यंत अनेक व्ह्युज आणि लाइक्स मिळाल्या आहेत. तसेच अनेक युजर्स या व्हिडीओवर कमेंट्स करताना दिसत आहेत. एका युजरने कमेंटमध्ये लिहिलंय की, “तो रक्ताची उलटी करतोय”, तर दुसऱ्या युजरने लिहिलंय की, “पुरुष होणंही तितकं सोप्प नाही” तर तिसऱ्या युजरने लिहिलंय की, “हे पाहून मी खूप रडलो.”
