“काय गरज होती का?” हळदीच्या कार्यक्रमात बैलाचा राडा; नाचताना पैसे उडवताच बिथरला अन् थेट गेला बायकांच्या अंगावर; थरारक VIDEO व्हायरल

​कल्याणमधील शीळ रोडवरील पडले गावातील पाटील कुटूंबाच्या हळदी मधील व्हिडिओ तुफान व्हायरल झाला आहे.रविवारी रात्री पडले गावातील पाटील कुटूंबात हळदीचा कार्यक्रम होता. यावेळी त्यांनी आपला बैल तेथे आणला आणि और्केस्ट्रावर बैलाचे गाणे लावत त्या बैलावर पैसे उडवायला सुरवात केली, यायचा राग बैलाला आला आणि तो उधळला, यावेळी बैल थेट बाजूलाच नाचत असलेल्या बायकांच्या अंगावर गेला. आजूबाजूला असणाऱ्या सर्वांना त्यानं तुडवलं अन् थेट स्टेजवर गेला. यामध्ये अनेकांना दुखापत झाली असणार.

या व्हिडीओमध्ये तुम्ही पाहू शकता, हळदीचा कार्यक्रम सुरू आहे.तिथेच बाजूला बैलदेखील आहे. त्याला दोन लोकांनी पकडून ठेवलं आहे. दरम्यान, हे सगळं सुरू असताना अचानक बैलावर नोटा उधळण्यात येतात, यावळी बैल पिसाळतो आणि सैरभैर पळू लागतो. आजूबाजूच्याना खाली पाडत पुढे धावत गेला, यावेळी बैलाला पकडून उभे असलेले पडले.. यावेळी सर्वांचीच घाबरगुंडी उडाली.

पाहा व्हिडीओ

सोशल मीडियावर हा व्हिडीओ stuartlittle1252 नावाच्या इन्स्टाग्राम अकाउंटवरून शेअर करण्यात आला असून व्हिडीओला, “बैलाला ध्वनिप्रदूषणाचा त्रास झाला. त्याने आपल्या पद्धतीने उपाय केला”, अशी प्रतिक्रिया एकानं दिली आहे. हा व्हिडीओ सोशल मीडियावर खूप व्हायरल होत आहे. अनेक युजर्स त्यावर कमेंटदेखील करत आहेत. बैल तापला, कर्म, जन्माची अद्दल घडली; अशा वेगवेगळ्या प्रतिक्रिया या व्हिडीओवर नेटकरी देत आहेत.